1-кы Тыыллыма нэһилиэгэр ыччаттар дойду туһугар көхтөөхтүк куоластаатылар

1-кы Тыыллыма нэһилиэгэр 279 №-дээх быыбардыыр учаастакка Арассыыйа Бэрэсидьиэнин талар быыбар үһүс түмүктүүр күнүгэр 11:00 чааска диэри  испиэһэккэ баар 435 дьонтон 313 киһи куоластаата.

Учаастак бэрэссэдээтэлэ Александра Петрова, бэрэссэдээтэли солбуйааччы Клара Дьячковская, сэкирэтээр Екатерина Алексеева уонна хамыыһыйа чилиэннэрэ Варвара Дмитриева, Саргылана Макарова, Вера Винокурова, Людмила Устинова үлэлэһэллэр.

Устудьуоннар Виктория Алексеева, Владимир Игнатьев, Эрсан Лукин, Данил Неустроев уонна Афанасий Леонтьев судаарыстыба биир саамай эппиэтинэстээх тэрээһинигэр аан бастакыларын кыттыыны ыллылар. Сокуоннай сааһын туолбут 11 кылаас үөрэнээччитэ Эвелина-Байана Эверстова быыбарга эмиэ бастакытын куоластаата. «Тыыллымаана» эбээлэр үҥкүүлэрин түмсүүтүн кэлэктиибэ быыбарга көхтөөхтүк кытыннылар.

Иван Лукин.