Сэтинньи 18 күнүгэр Майа сэлиэнньэтигэр Саха сиригэр физкултуура хамсааһынын 100 сылыгар аналлаах «Көлүөнэнэн көрсүһүү» дьахталлар аһаҕас ыспартакыйаадалара буолан ааста. Бэтэрээннэр, орто көлүөнэ, эдэр көлүөнэ хамаандаларыгар барыта 75 спортсмен 7 көрүҥҥэ илин-кэлин түһүстэ.
Күрэхтэһии арыллыыта спортсменнар көлүөнэнэн парааттаан киириилэриттэн саҕаланна. «Майа сэлиэнньэтэ» тыа сирин түөлбэтин баһылыгын солбуйааччы Вячеслав Санников эҕэрдэ тылын этэн, кыттааччыларга ситиһиини баҕаран туран Майа чиэһин элбэхтэ көмүскээбит бэтэрээн спортсменнарга Александра Петровна Стручковаҕа, Новогина Васильевна Васильеваҕа Саха сиригэр физкултуура хамсааһынын 100 сылыгар аналлаах сувенирдары, эҕэрдэ суругу туттарда. Быйыл үбүлүөйдээх сылларынан бэтэрээннэр ааттарыттан кыттар спортсменнарга Маргарита Иннокентьевна Олесоваҕа, Варвара Ивановна Борисоваҕа эҕэрдэ суругу, Майа сэлиэнньэтин туһунан кэпсиир 2 туомнаах кинигэни туттарда. Майа дьахталларын сэбиэтин бэрэссэдээтэлэ Екатерина Романова күрэхтэһиигэ кытта кэлбит спортсменнарга махтанан туран хас биирдиилэригэр кыайыыны баҕарда уонна бу тэрээһиҥҥэ күүс-көмө буолбут бэтэрээн спортсменнарга Антонина Петровна Федороваҕа, Лена Гаврильевна Васильеваҕа махтал суругу, сибэкки дьөрбөтүн бэлэх уунна.
Түмүгү билиһиннэрдэххэ, буулдьанан ытыыга хамаанданан бэтэрээннэр бастаатылар, иккис миэстэни орто көлүөнэ, үсүһү эдэр көлүөнэ ыллылар.
Биирдиилээн бастыыр иһин күрэхтэһиигэ 1 миэстэҕэ 88 очколаах Маргарита Олесова таҕыста, 2 миэстэ 77 очколаах Татьяна Семенова, 3 миэстэ 75 очколаах Марина Егорова буоллулар.
Хабылык, хаамыска хамаанданан эстэпиэтэ быһыытынан барда. Манна туһааннааҕынан орто көлүөнэ, бэтэрээннэр, эдэрдэр миэстэлэннилэр.
Остуол тиэнниһигэр 3 ракетканан оонньоотулар. Хамаанданан 1 миэстэ – эдэр көлүөнэ, онтон бэтэрээннэр, салгыы орто көлүөнэ буоллулар. Бастакы ракеткаҕа 1 миэстэ Светлана Константинова (эдэр көлүөнэ), 2-с — Василина Прокопьева (бэтэрээн), 3-с — Саргылана Лонгинова (орто көлүөнэ) буоллулар. Иккис ракеткаҕа 1 миэстэ Марианна Степанова (эдэр көлүөнэ), 2-с — Елизавета Иванова (бэтэрээн), 3-с — Мария Григорьева (орто көлүөнэ) буоллулар. Үһүс ракеткаҕа 1 миэстэ Стелла Яковлева (бэтэрээн), 2 миэстэ Мария Колесова (эдэр көлүөнэ), 3 миэстэ Елена Березкина (орто көлүөнэ) буоллулар.
Дуобакка хамаанданан орто көлүөнэ бастаата, 2 миэстэ бэтэрээннэр, 3 миэстэ эдэр көлүөнэ буоллулар. Бастакы дуоскаҕа 1 миэстэ Марина Говорова (орто көлүөнэ), 2-с Александра Стручкова (бэтэрээн), 3-с Эльвира Алексеева (эдэр көлүөнэ) буоллулар. Иккис дуоскаҕа 1 миэстэ Лариса Сыромятникова (орто көлүөнэ), 2 — Антонина Федорова (бэтэрээн), 3 миэстэ Юлия Васильева (эдэр көлүөнэ) буоллулар. Үһүс дуоскаҕа 1 миэстэ Сахаяна Чонхонсун (орто көлүөнэ), 2 миэстэ Елена Шарина (бэтэрээн), 3 миэстэ Уйгулана Оконешникова (эдэр көлүөнэ) буоллулар.
Саахымакка хамаанданан бэтэрээннэр кыайыылаах таҕыстылар, 2 миэстэни эдэр көлүөнэ, 3 — орто көлүөнэ ыллылар. Бастакы дуоскаҕа Алена Дмитриева (эдэр көлүөнэ) бастаата, 2 миэстэ Ульяна Шишигина (бэтэрээн), 3 — Анна Захарова (орто көлүөнэ) буоллулар. Иккис дуоскаҕа 1 миэстэни Аграфена Брызгалова (орто көлүөнэ) ылла, 2 — Мария Попова (бэтэрээн), 3 миэстэ — Кэскилээнэ Петрова (эдэр көлүөнэ) буоллулар. Үһүс дуоскаҕа Василиса Никифорова (бэтэрээн) кыайыылаах таҕыста, 2 миэстэ — Алена Алексеева (эдэр көлүөнэ), 3 — Анисия Федорова (орто көлүөнэ) буоллулар.
Дартс көрүҥэр хамаанданан 1 миэстэни бэтэрээннэр ыллылар, орто көлүөнэ 2, эдэр көлүөнэ 3 миэстэни ылары ситистилэр.
Волейболга хамаанданан бэтэрээннэр бастаатылар, орто көлүөнэ 2, эдэрдэр 3-с буоллулар.
Уопсай түмүккэ 10 очукуолаах бэтэрээннэр хамаандалара кыайыылаах үрдүк аатын сүктэ уонна көһөрүллэ сылдьар куубагынан наҕараадаланна. Иккис миэстэни 14 очукуолаах орто көлүөнэ хамаандата, үсүһү 18 очукуолаах эдэр көлүөнэ хамаандата ыллылар.
Тэрийээччилэр, Майа дьахталларын сэбиэтэ, бары кыттааччыларга итиэннэ күрэхтэһии тэрээһинигэр күүс-көмө буолбут Майа олохтоох дьаһалтатыгар, «Манчаары» успуорт-чэбдигирдэр киин үлэһиттэригэр (дириэктэр П.А.Илларионов), хамаандалары сүүмэрдээбит хапытааннарга Антонина Федороваҕа (бэтэрээннэр), Эльвира Николаеваҕа (орто көлүөнэ), Варвара Куприяноваҕа (эдэр көлүөнэ), көрүҥнэринэн судьуйалаабыт бары судьуйаларга, Д.Ф.Ходулов аатынан норуот айымньытын дьиэтин үлэһиттэригэр махталларын тиэрдэллэр.
