А.В.Чугунов аатынан Мэлдьэхси орто оскуолатыгар кэрэ аҥаардар күннэригэр аналлаах 1-10 кылаас кыргыттарын ортотугар «Ыллаа, ыллаа, кэрэ куолас» ырыа күрэҕэ ыытылынна.
Тэрээһини оскуола уолаттара үҥкүүнэн, оскуола лиидэрэ Максим Ачикасов эҕэрдэ тылынан арыйдылар. Дьүүллүүр сүбэҕэ «Хатыҥчаан» уһуйаан иитээччитэ, элбэх хоһоон ааптара Нарыйа Попова, Мэлдьэхси орто оскуолатын бүтэрбит, нэһилиэк көхтөөх ыччата Сахайыына Степанова, «Хатыҥчаан» уһуйаан уонна оскуола педагога Антонина Степанова үлэлээтилэр.
1-10 кылаас кыргыттара нууччалыы уонна сахалыы ырыалары көрөөччүлэргэ, дьүүллүүр сүбэҕэ анаатылар. Хас биирдии толорооччу ис сүрэҕиттэн, бэйэтин талаанын толору арыйан кытынна.
Түмүккэ: 1-кы истиэпэннээх лауреат аатын 4-с кылаас кэлэктиибэ (сал.М.А.Скрябина) ылла; 2-с истиэпэннээх лауреат – 5-с кылаас (сал.А.П.Протопопова); 3-с истиэпэннээх лауреат – 1-кы кылаас (сал. А.Н.Герасимова); 1-кы истиэпэннээх дипломант – 2-с кылаас (сал.Л.А.Сивцева); 2-с истиэпэннээх дипломант 3-с кылаас (сал.А.В.Кривогорницына); 3-с истиэпэннээх дипломант 6-с кылаас (сал. И.И.Михайлова) кэлэктииптэрэ буоллулар.
9-с кылаас кэлэктиибэ (сал.Л.К.Баишева) “Ырыаны сонуннук толоруу иһин” анал аат хаһаайына буолла. «Сыл дебюта» анал ааты 8-с кылаас кэлэктиибэ (сал. М.Д.Куприянова), «Көрөөччү биһирэбилин» – 10-с кылаас кэлэктиибэ (сал.О.С.Иванова) ыллылар.
Ырыа куонкуруһун муҥутуур кыайыылааҕынан 7-с кылаас кэлэктиибэ (сал.Т.А.Игнатьева) буолла.
Кыттааччылары эҕэрдэлиибит! Өссө даҕаны ситиһиилэр кэлэ турдуннар.
Ырыа кэрэ эйгэтигэр куустаран кыттаачылар, көрөөччүлэр астынан-дуоһуйан тарҕастылар.
Арылхан Сокольников,
7-с кылаас үөрэнээччитэ,
«Үктэл» юнкорпост.
