Мэҥэ Хаҥалас улууһугар 2022-2025 сс. Тыа хаһаайыстыбатын сыллара биллэриллибитинэн, бастакы сыллаах үлэ түмүктэрин таһаарар үөрүүлээх тэрээһин, тохсунньу 25 күнүгэр буолан ааста.
Тыа хаһаайыстыбатын өрө туппут, үлэ дьолун билбит киэн туттар дьоммут, бэтэрээннэрбит барыта 150 киһи ыҥырыллан ааспыт сыл түмүктэрин таһаардылар, инники былааннары торумнастылар. «Үлэ киһини киэргэтэр, үлэ — дьол аргыһа!» диэн өс хоһооно этэринии, туруу үлэһит дьоммутун кэлбит сылынан, улуус баһылыга Дмитрий Тихонов эҕэрдэлээтэ уонна наҕараадалары туттартаата. Өрөспүүбүлүкэ социальнай-экэнэмиичэскэй сайдыытыгар үтүө суобастаах үлэтин иһин, Ил Дархан Махтал суругун «Хоту» тыа хаһаайыстыбатын потребительскэй кэпэрэтиибин бэрэссэдээтэлин солбуйааччы, Төҥүлү нэһилиэгиттэн Неустроева Матрена тутта. СӨ Бырабыытылыстыбатын бэрэссэдээтэлин грамотатын Семенов Иннокентий Егорович (Мэҥэ Хаҥалас улууһун дьаһалтатын тыа хаһаайыстыбатын салаатын салайааччыта), Дмитриев Аркадий Николаевич (Ходоро нэһилиэгин бааһынай хаһаайыстыба баһылыга) ыллылар. «Мэҥэ Хаҥалас улууһун тыа хаһаайыстыбатын сайдыытыгар кылаатын иһин» анал түөскэ кэтэр бэлиэнэн Стручкова Галина Гаврильевна (үлэ бэтэрээнэ, Дьабыл нэһилиэгин олохтооҕо),Федоров Николай Петрович (урбаанньыт, бааһынай хаһаайыстыба баһылыга, Чыамайыкы), Дьячковский Эдгар Афанасьевич (урбаанньыт, бааһынай хаһаайыстыба баһылыга, Чыамайыкы) Васильев Николай Петрович, («Боччуо» тыа хаһаайыстыбатын потребительскэй кэпэрэтиибин сылгыһыта, Дьаҥхаады) о.д.а. наҕараадаланнылар. Үөрүүлээх тэрээһиҥҥэ эҕэрдэ тыллары, наҕараадалары туттара: Саха Өрөспүүбүлүкэтин Сударыстыбаннай мунньаҕын (Ил Түмэн) тыа сиригэр уонна аграрнай политикаҕа кэмититиэтин бэрэссэдээтэлэ Александр Павлович Атласов, Саха Өрөспүүбүлүкэтин Судаарыстыбаннай Мунньаҕын (Ил Түмэн) Cир сыһыаннаһыыларыгар, айылҕа ресурсаларыгар уонна экологияҕа кэмитиэтин бэрэсэдээтэлэ Андрей Михайлович Находкин, Caxa Өрөспүүбүлүкэтин Тыатын хаһаайыстыбатын миниистирин солбуйааччыта Николай Степанович Афанасьев, Саха Өрөспүүбүлүкэтин «СахаАгроПлем» тэрилтэ салайааччыта Алексей Дмитриевич Жирков, Саха Өрөспүүбүлүкэтин «Сир оҥоһуутун сулууспатын» тэрилтэ салайааччыта Афанасий Михайлович Семенов о.д.а кэлбиттэр. Мэҥэ Хаҥалас дьаһалтатын тыа хаһаайыстыбатын салаатын салайааччыта Иннокентий Егорович Семенов сыллааҕы отчуоту оҥордо. Биир сыллаах бырагыраамаҕа туох ситиһиллибитин, туохха болҕомто ууруохха, туох кыаллыбатаҕын бэлиэтээтэ. Мэҥэ Хаҥалас үтүө үгэстэрэ Афанасий Степанов, Павел Шарин курдук герой улэһиттэрдээх утум салҕаныахтаах диэн санааттан баһылык Дмитрий Иванович үс сылы биллэрбитэ мээнэҕэ буолбатаҕын үгүс киһи бэлиэтээтэ. Тыа хаһаайыстыбатынан дьарыктаныан баҕалаах эдэр дьон көстөн эрэриттэн үөрэллэрин биллэрдилэр.
