Быйылгы сылбыт бүтэрэ аҕыйах кэм хаалла. Кеша Алексеев аатынан Хаптаҕай орто оскуолатыгар ахсынньы 16 күнүгэр үгэс буолбут «Көлүөнэлэр көрсүһүүлэрэ» Педагог уонна уһуйааччы сылыгар ананан ыытылынна.
Бу тэрээһиҥҥэ биир дьоһуннаах түгэнинэн математика кэбиниэтигэр олохторун учуутаал идэтигэр анаабыт «Старшай учуутал» Анатолий Гаврильевич уонна РСФСР үөрэҕириитин туйгуна Олимпиада Николаевна Борисовтар ааттарын иҥэрдилэр. Оскуоланы 1966 сыллаахха бүтэрбит кинилэр үөрэнээччилэрэ кэлэн дириҥ билиилээх, тапталлаах учууталларга үөрэммиттэрин, олохторун устата кинилэр туһунан сырдык өйдөбүллээхтэрин махтана аҕыннылар.
Маны тэҥэ оскуолабытыгар дириэктэрдээбит Павел Григорьевич Морохоев олоҕун бэлиэ түгэнинэн бииргэ үлэлээбит кэллиэгэлэрин туһунан истиҥ тыллары анаата.
Көрсүһүүгэ оскуоланы 1968, 1988, 2003, 2018 сылларга бүтэрбиттэргэ «Бэйэ оонньуута» тэрээһин, «Күөх уот» ахтыы киэһэтэ буолан, астынан тарҕастылар.
