ҮӨРЭХ БАСТЫҤНАРЫН СҮЛҮӨТЭ

В.П.Ларионов аатынан Майа орто оскуолатыгар күн бүгүн 909 оҕо үөрэнэр. Алын кылаастарга уопсайа 56 туйгун, 119 оҕо «4»,»5″ сыанаҕа үөрэнэллэр. Орто уонна улахан сүһүөх кылаастарга 42 туйгун, 161 үөрэнээччи «4»,»5″ сыанаҕа үөрэнэллэр.
🌟Владимир Петрович Ларионов аатынан Майа орто оскуолатыгар үгэс быһыытынан ыытыллар “Сулустар парааттара” тэрээһиммитин Арассыыйаҕа дьиэ кэргэн, Өрөспүүбүлүкэҕэ – оҕо саас, Мэҥэ Хаҥалас үөрэҕириитигэр 150 сыла уонна Майаҕа ЧӨЛ олох сылларыгар ананна.
Бырааһынньыгы оскуолабыт дириэктэрэ Павел Васильевич Васильев аста. » Бастыҥ ситиһии» анал аакка уопсайа 10 үөрэнээччи, «2024 сыл бастыҥ чинчийээччитэ» анал аат — 12, «Бастыҥ спортсмен»- 11, «Култуураҕа бастыҥ» анал аат 7 үөрэнээччигэ туттарылынна. Бу оҕолор бары бэлиэ мэтээлинэн уонна эҕэрдэ суругунан наҕараадаланнылар.
🌟Бастыҥ салайааччылар анал бэлиэ-статуэтканан наҕараадаланнылар: Дмитриева Т.В., Кононова А.С., Соловьева М.С., Артемьева Л.И., Черкашина Н.Г., Семенова М. Н., Борисов Н.Л., Никитин Л.Т., Игнатьева А.В, Евсеева А.Н, Дьяконова Н.В, Борисова С.А., Куприянов Е.М.
Тэрээһин быыһыгар «Мэник Мэҥэлэр» КВН-ҥа талааннаах оҕолорбут, үҥкүүһүт-ырыаһыт үөрэнээччилэрбит музыкальнай нүөмэрдэрин көрдүбүт.
Ол кэнниттэн кылаас салайааччылара сыанаҕа тахсан туйгун уонна үчүгэй үөрэнээччилэрин бэлиэтээн, бэлэх туттардылар. Учууталлар уонна бэлиэтэммит үөрэнээччилэр астынан — дуоһуйан тарҕастылар.

Светлана Ефимова.