Бэс ыйын 1 күнүттэн «Майа сэлиэнньэтэ» тыа сирин түөлбэтин дьаһалтатын иһинэн волонтердар үлэлэрин саҕалаабыттара.
Быйыл иккис сылларын дьаһалтаны кытта нэһилиэнньэ дьарыктаах буолуутун киинэ дуогабар түһэрсэн 14‒18 саастаах үөрэнээччилэри үлэҕэ сыһыараллар уонна хамнастыыллар. Ыйга 10 оҕону волонтер идэтин билсиһиннэрэллэр, дьарыктаах оҥороллор. Сайын устата 30 оҕону хас биирдиилэрин 13 тыһыынчалыы солкуобай хамнастыахтара.
Волонтер үлэтигэр Майа оскуолаларын үөрэнээччилэрэ үлэҕэ киирдилэр. Кинилэри Майа дьаһалтатыттан дьиэ кэргэн киинин салайааччыта Владлена Павлова салайар. Бастакы ыйга волонтердар нэһилиэк сайдарын, тупсарын туһугар Комсомольскай болуоссакка Майа сэлиэнньэтин түөлбэлэрин салайааччылара олордубут мастарын көрөллөр-харайаллар, күннэтэ уу куталар, кырдаҕас дьоҥҥо хортуоппуйдарын олордубуттара, уулуссалар ыраас буолалларыгар субуотунньуктары тэрийэллэр, итиэннэ искибиэргэ сибэкки олордубуттара.
Иван Лукин.
