Биир дойдулаахпыт, Хабаровскайга олорор, Анал байыаннай дьайыы кыттыылаахтарыгар дьиэ кэргэниниин волонтердуур Елена Васильевна Лебедкина-Алена Майа сэлиэнньэтин олохтоохторун кытта сэтинньи 1 күнүгэр көрсүһүү тэриллибитигэр көмө наадатын эппитэ. Манна кинини кытта Мария Дмитриевна Лукина салайар Майатааҕы “Түмэн” уопсастыбаннай холбоһук түмсүүлэрин салайааччылара, чилиэннэрэ атах тэпсэн олорон үтүө санаалаах волонтер көмө оҥорор үлэтин билсибиттэрэ. Ол чэрчитинэн, сэтинньи 5 күнүгэр «Дьол түһүлгэтэ” уопсастыбаннай кииҥҥэ госпиталга сытар дьоммутугар анаан ким туох кыахтааҕынан сэмэй көмөлөрүн элбэх киһи аҕалан тиксэрдэ. “Вилена” маҕаһыын хаһаайката Елизавета Иванова, Валерий Романов, Зинаида Маркова, Мавра Романова, Ариадна Филиппова салайааччылаах “Көмүс кэм” түмсүү, Кыдана Прокопьева, о.д.а. харчынан көмөлөрүн туттардылар. Ходоро нэһилиэгиттэн харчынан көмө хомууйутугар “Күбэйэ” дьахталлар түмсүүлэрин салайааччыта Елена Захарова үлэлэстэ. Манна кыттыһан Чүүйэ олохтоохторо Фаина Скрябина, Екатерина Петрова, Елена Федорова, Семен Дмитриев о.д.а. сэмэй кылааттарын киллэрдилэр.
Татьяна Попова, Екатерина Иванова, Марфа Алексеева, Розалия Терентьева, Евдокия Семенова, Аделаида Иванова, Анна Санникова, Людмила Пивоварова, Полина Осипова, о.д.а. аһынан-үөлүнэн көмө аҕалан туттардылар. “Вилена” маҕаһыын хаһаайката Елизавета Иванова хоруопкаларынан ас арааһын аҕалан дьоһун көмөнү оҥордо. Федора Наумова салайааччылаах “Түмэн” иис сыаҕа ис уонна тас кэмпилиэк таҥастары, бэргэһэлэри, кулукалары, харысхаллары, саа уоһун хааларын, илиигэ-атахха кэтиллэр бэлиэлэри биэрэн көмөлөстө.
Дойдубут көмүскэлигэр сылдьар байыастарбыт этэҥҥэ чөл, чэгиэн туруктаах төрөөбүт түөлбэлэригэр эргийэн кэлэллэригэр күүһүн-уоҕун барытын биэрэн сүүрэ-көтө сылдьар волонтер Елена Лебедкина-Алена дьонун-сэргэтин өйөбүлүгэр улахан махталын тириэрдэр итиэннэ инникитин бу үтүө дьыала салҕанарыгар баҕарар.
Марелла Баишева.
