Кулун тутар 6 күнүгэр өрөспүүбүлүкэ Толоруулаах былааһын 2023 сыллааҕы отчуота «Саха» НКИХ эпииригэр буолла.
Бырабыыталыстыба бэрэссэдээтэлэ Кирилл Бычков уонна кини солбуйааччылара кыттыыны ыллылар.
Саха сиригэр Уус Алдан улууһун Бэйдиҥэтин, Арыылааҕын, Сыырдааҕын уонна Мэҥэ Хаҥалас Маттатын гаастааһына былааннанарын туһунан СӨ бырабыыталыстыбатын бэрэссэдээтэлин бастакы солбуйааччыта Дьулустан Борисов СӨ бырабыыталастыбатын отчуотун быһа эпииригэр эттэ.
Нэһилиэнньэни бырабыыталыстыба ыыппыт үлэтин кытта билиһиннэрэр бу отчуот сүрүн сыала-соруга буолар. Олохтоохтор кыһалҕаларын истэн өрөспүүбүлүкэ сайдыытын былаана оҥоһуллар. Бу маннык кэпсэтиини дойду бэрэсидьиэнэ Владимир Путин киллэрдэ.
@nvk_sakha