Уус Алдан улууһун Найахытыгар В.Г.Дмитриев сырдык кэриэһигэр сахалыы остуол оонньуутугар ыытыллыбыт 10-с үбүлүөйдээх өрөспүүбүлүкэтээҕи күрэхтэһиитигэр Мэҥэ-Хаҥалас улууһун хамаандата ситиһиилээхтик кыттан 7 көрүҥҥэ 14 мэтээли илдьэ кэллэ.
Чемпионнарынан, призёрдарынан буоллулар Ариан Степанов, Ян Захаров, Аэлита Алексеева, Влад Попов, Анатолий Иванов, Антонина Фёдорова, Мария Григорьева, Гаврил Аргунов.
Оскуола кыргыттарыгар муҥутуур кыайыылааҕынан Аэлита Алексеева (тренер Фёдорова АИ) буолан үрүҥ көмүс знагынан, анал сертификатынан наҕараадаланна
Хамаанда күрэҕи үрдүк таһымҥа тэрийэн ыыппыт бары тэрийээччилэргэ, оскуола коллективыгар, Владимир Георгиевич чугас дьонугар, кыргыттарыгар, минньигэс астаах, олус эйэҕэс остолобуой үлэһиттэригэр, бары судьуйаларга, сымнаҕас айаннаан суоппардарга Николай Захаровка, Анатолий Ивановка, бензининэн көмөлөспүт федерация председателигэр А.А.Павловка барҕа махталларын тиэрдэллэр.
Екатерина Попова
