Тохсунньу 17 күнүгэр Хорообут нэһилиэгэр «Төрүт итэҕэл» ытык сүбэ сүбэһитэ Лэгэн Лэгэнтэй, «Итэҕэл» түмсүү салайааччыта Иннокентий Макаров -Түмэр Боотур, Лэгэн көмөлөһөөччүлэрэ Вера уонна Инна «УОЛ ОҔО УОННА ЭР КИҺИ САХА ЫАЛЫГАР ОРУОЛЛАРА» диэн аһаҕас кэпсэтиигэ олохтоохтору кытта көрсүстүлэр.
Оскуола үөрэнээччилэригэр, төрөппүттэргэ, учууталларга, олохтоохторго олус туһалаах кэпсэтии буолла. Тус көрсүһүүгэ бэйэлэрин ыйытыыларыгар хоруйдарын ыллылар, эт-сиин туруктарын көрдөрдүлэр.
Ыалдьыттар олус астынан, ирэ-хоро кэпсэтэн-ипсэтэн сүргэлэрэ көтөҕүллэн тарҕастылар. Кэпсэтиини тэрийбит дьоҥҥо улахан махталларын биллэрдилэр.
Варвара Филиппова
