Ахсынньы 16 күнүгэр улуустааҕы КВН куонкуруһа Аллараа Бэстээххэ буолан ааста. Уопсайа 8 оскуола кэлбитэ. Биһиги оскуолабыттыттан 6 оҕо барбыта.
Бастаан дьүүллүүр сүбэ хамаандалары редакциялаабыта. Ол кэннэ, хамаандалар көннөрүнэн хомуммуттарын кэннэ бастакы түһүмэх саҕаламмыта — визитка көрдөрөөһүнэ. Хамаандалар бары үчүгэйдик бэлэмнэнэн кэлбиттэр этэ. Барыбыт киэнэ биир темалаах эрээри олус атын буолбута.
2 түһүмэх ыйытынньык этэ. Онно хамаандалар ыйытыы биэрэллэр, онно күлүүлээхтик толкуйдаан эппиэттиигин. Биһиги бастакы ыйытыыга долгуйан эппиэттээбэккэ хаалбыппыт. Хамаандалар олус интэриэһинэй ыйытыылары толкуйдаабыт этилэр.
3 түһүмэх музыкальнай дьиэҕэ үлэ. Сорохтор тахсан ыллаабыттара, сорохтор олоҥхоттон быһа тардыыны күлүүлээхтик оҥорон көрдөрбүттэрэ. Бары күүскэ үлэлээн, толкуйдаан оҥорбуттар этэ.
Түмүккэ: 1 миэстэ- «Чиккэстэр», Чыамайыкы орто оскуолата; 2 миэстэ- «Мэник Мэҥэлэр», В.П.Ларионов аатынан Майа орто оскуолата; 3 миэстэ — «Холбон», Аллараа Бэстээх 2 №-дээх орто оскуолата буоллулар.
Хамаандалар бары күүстээх этилэр. Сорохторго саҥа Саха КВНы кытта билсэр оҕолор бааллара. Элбэх туһалаах опыт ылбыттара буолуо дии саныыбын. Биһиги эмиэ саҥаны билэн, оҕолору кытта билсэн, бириэмэни үчүгэйдик атааран кэлбиппит уонна бочуоттаах бастакы миэстэни ылан республиканскай күрэххэ барар чиэскэ тигистибит. Капитаммыт Захаров Антон «Мистер КВН», салайааччыбыт Тимофеев Николай Павлович «Лучший руководитель» номинациянан наҕараадаланнылар.
Романова Настя 8 кылаас, «Проба пера» кэрэспэдьиэнэ, «Чиккэстэр» КВН хамаанда чилиэнэ
