Ахсынньы 15-16 күннэригэр Чурапчыга Сахалыы остуол оонньууларын федерациятын куубагын сылы түмүктүүр сүрүн күрэхтэһиитэ бэрт тэрээһиннээхтик буолан ааста.
Тээрээһини арыйыы үөрүүлээх чааһыгар Гаврил Аргуновка (Бэдьимэ), Анатолий Ивановка (Майа) «Саха Өрөспүүбүлүкэтин успуордун маастара», Антонина Фёдороваҕа (Тиэлиги) «Сахаада маастара» аат туттарылынна.
Барыта 8 улуус күүстээх хамаандаларын тыҥааһыннаахтык киирсиилэрин түмүгэр чөмпүйүөн үрдүк аатын Мэҥэ Хаҥалас хамаандата ылла.
Иккис миэстэ Бүлүү, үһүс – Дьокуускай буоллулар.
Улууспут чиэһин көмүскээтилэр:
1-кы бөлөххө – Аэлита Алексеева, Ян Захаров (Тиэлигилэр);
2-с бөлөххө – Нелли Емельянова (Бэдьимэ), Владислав Попов (Чыамайыкы);
3-с бөлөххө – Оксана Рожина (Майя), Александр Протопопов (Матта);
4-с бөлөххө – Екатерина Попова, Гаврил Аргунов ( Бэдьимэлэр).
«Бастыҥ тиэхиньикэлээх оонньооччу» аатын Аэлита Алексеева ылла.
Улууспут кыайыылаах хамаандатыгар үөрүүлээх быһыыга-майгыга Кыайыы куубагын, СӨ Федерациятын бэрэсидьиэнэ Ольга Григорьева олохтообут анал чороонун, Чурапчы улууһун анал бирииһин, харчынан бириэмийэни туттардылар.
Айан, күрэхтэһиигэ кыттыы ороскуотун уйуммут улуус успуорка управлениетыгар (начаалынньык Алексей Попов), улуустааҕы федерация бэрэссэдээтэлигэр, киин балыыһа кылаабынай бырааһыгар Алексей Павловка бу кыайыы кэлэригэр улахан өйөбүлгүт иһин махталбытын тиэрдэбит.
1Наахара нэһилиэгин администрациятын суоппара Степанов Виталий Прокопьевич,баһылык ИсаковИннокентий Кретович,көҥүллээн, бэйэтин массыынатынан сырытта.
Хамаанданы тэрийэн, салайан, бэйэтин массыынатынан илдьэ сылдьыбыт Анатолий Ивановка, тириэньэрдэргэ Антонина Фёдороваҕа, Владислав Поповка, федерация сэкирэтээригэр Оксана Рожинаҕа, күрэхтэһии сүрүн судьуйатыгар Иннокентий Максимовка, успуорт управлениеттан тэҥҥэ сылдьыспыт Вадим Фёдоровка, оҕолорбутугар, бэтэрээннэрбитигэр, бары кыттыбыт спортсменнарбытыгар эмиэ махтал истиҥ тылларын аныыбыт.
Дойдубут туһугар бары бииргэ!
Екатерина ПОПОВА,
Бэдьимэ.
