Төрөөбүт улууспут хаһыатыгар «Эркээйигэ» кэлэр 2024 сылга сурутуубут быйыл эмиэ көхтөөхтүк ааста.
Балыктаах бөһүөлэгин олохтоохторо сорохторо почтаҕа,сорохторо редакцияттан быһа ылар сурутууга суруттараллар.Почтаттан ылыыга 21 киһи суруппут,балар «Кыым» хаһыаты кытта тэҥҥэ ылаары оннук суруталлар.
Редакцияттан ылыы сурутуутун мин сэтинньи ыйтан саҕалааччыбын.Сурутууга үксүлэрэ саастаах дьон буолаллар,онтон эдэрдэр куйаар ситиминэн сонуннары көрөбүт дииллэр. Ол да буоллар,быйыл 30 киһи суруттарда. Урукку өттүгэр суруттарбат дьон эбилиннилэр,сорохтор оҕолоругар барар буолан тохтоотулар. Былырыын э/почтаҕа суруппуттар төттөрү хаһыаттарыгар көстүлэр. «Мэҥэ нэһилиэгэ» тыа сирин түөлбэтин баһылыга Александр Валерьевич Куприянов,солбуйааччыта Иван Егорович Мохначевскай спонсордааннар икки бэтэрээҥҥэ,икки СВО-ҕа сылдьар уонна сылдьыбыт уолаттар төрөппүттэригэр босхо сурутууну биэрдилэр.Онон,улуустарын хаһыатыгар суруттарбыт күндү биир дойдулаахтарбар уонна хаһыаппытын бириэмэтигэр таһар дьаһалтабыт аппараатыгар улахан-улахан махталбын тиэрдэбин.»Эркээйи» редакциятыгар кылаабынай редактордыын Алена Викторовна Докторовалыын, подпискаҕа үлэлиир Марелла Афанасьевна Баишевалыын,бухгалтер Анна Егоровна Дмитриевалыын,редакция биир тутаах үлэһитэ Марфа Ивановна Птицыналыын куруук сибээстэһэн үлэлиибин.
Бука-барыгытыгар айымньылаах үлэҕитигэр үрдүк ситиһиилэри баҕарабын.
Мария Захарова. Балыктаах
