Улууска социальнай бэлиитикэ эйгэтигэр сыл түмүгүнэн бастыҥ үлэлээхтэри бэлиэтиир тэрээһин ахсынньы 26 күнүгэр Д.Ф.Ходулов аатынан култуура киинигэр ыытылынна.
Тэрээһин төрөөбүт дойдубут көҥүлүн көмүскүүр киирсиигэ олохторун толук уурбут биир дойдулаахтарбыт сырдык ааттарын ааттаан, чуумпуран туран кэриэстээн ылыыттан саҕаланна. Анал байыаннай эпэрээссийэ кэмигэр хорсун быһыыны көрдөрөн дьоруойдуу охтубут биир дойдулаахтарбытыгар – Ходоро нэһилиэгин олохтооҕор Арчын Антонович Бурнашевка, Хорообут нэһилиэгин олохтооҕор Денис Константинович Колесовка РФ Бэрэсидьиэнин В.В.Путин ыйааҕынан Эр санаа Уордьана иҥэриллибитэ. Улуус баһылыга Дмитрий Тихонов бэлиэлэри Арчын Антонович төрөппүттэригэр Татьяна Романовна уонна Антон Антонович Бурнашевтарга, Денис Константинович ийэтигэр Варвара Николаевна Колесоваҕа туттарда. Дьоруойдары иитэн таһаарбыт ийэлэргэ, төрөппүттэргэ сүгүрүйэбит, уолаттарбытынан киэн туттабыт.
Салгыы улууспут холобур буолар дьиэ кэргэттэрин, көхтөөх уопсастыбанньыктарын, ситиһиилээх ыччаттарбытын Саха Өрөспүүбүлүкэтин Ил Түмэн Судаарыстыбаннай Мунньаҕын бэрэссэдээтэлэ Алексей Еремеев, улуус баһылыга Дмитрий Тихонов, СӨ ыччат дьыалатыгар уонна социальнай коммуникацияҕа миниистирин солбуйааччы Андрей Сосновскай, Ил Түмэн дьокутаата, сир сыһыаннаһыыларыгар, айылҕа баайыгар уонна экологияҕа сис кэмитиэт бэрэссэдээтэлэ Андрей Находкин, Ил Түмэн дьокутаата, А.Д.Макарова аатынан Дьокуускайдааҕы култуура уонна ускуустуба колледжын дириэктэрэ Захар Никитин, Ил Түмэн дьокутаата, «Хаҥалас-Агрохолдинг» тыа хаһаайыстыбатын потребительскэй кэпэрэтиибин бэрэссэдээтэлэ Тихон Скрябин, Ил Түмэн дьокутаата, «Саха» НКИХ генеральнай дириэктэрэ Олег Марков, улуустааҕы социальнай бэлиитикэ управлениетын начаалынньыга Октябрина Кулешова эҕэрдэлээтилэр, наҕараадалары, анал ааттары туттардылар.
Өрөспүүбүлүкэ социальнай-экэнэмиичэскэй сайдыытыгар кылаатын иһин СӨ Ил Түмэн Судаарыстыбаннай Мунньаҕын Бочуотнай грамотатынан Петров Дмитрий Дмитриевич, «Дьабыыл нэһилиэгэ” тыа сирин түөлбэтин баһылыга, Санников Петр Иннокентьевич, үлэ бэтэрээнэ наҕараадаланнылар. Майа сэлиэнньэтин олохтоохторо Лия Михайловна уонна Петр Иннокентьевич Санниковтар, ыал буолан олорбуттара 55 сылын туолбутунан, Ил Дархана Айсен Сергеевич Николаев эҕэрдэ суругун итиэннэ Мэҥэ Хаҥалас улууһун «Ытык ыал» бэлиэтин туттулар.
1-кы Тыыллыма нэһилиэгин ыччат уонна успорт дьыалатыгар исписэлииһэ Мария Федорова Мэҥэ Хаҥалас улууһун ыччат бэлиитикэтигэр уонна успуорт сайдыытыгар кылаатын иһин түөскэ кэтиллэр бэлиэнэн наҕараадаланна.
Мэлдьэхси нэһилиэгин сүрүннүүр исписэлииһэ Айталина Плотникова, улуус социальнай бэлиитикэҕэ управлениетын исписэлииһэ Нарияна Захарова Мэҥэ Хаҥалас улууһун баһылыгын Махтал суругун туттулар.
Аллараа Бэстээхтээҕи култуура дьиэтин дириэктэрэ Ирина Назарова “СӨ Гражданскай көҕүлээһин туйгуна” түөскэ кэтиллэр бэлиэнэн наҕараадаланна.
Д.Ф.Ходулов аатынан култуура киинин норуот тыйаатырын режиссера Данил Осипов “СӨ култууратын туйгуна” ааты ылла.
Мэҥэ Хаҥаластааҕы уйулҕа киинин сэбиэдиссэйэ Валерия Дмитриева СӨ “Волонтерство сайдыытыгар кылаатын иһин” түөскэ кэтиллэр бэлиэнэн наҕараадаланна.
“СӨ Оҕо хамсааһынын сайдыытыгар кылаатын иһин” түөскэ кэтиллэр бэлиэнэн Николай Неустроев аатынан Бэдьимэ орто оскуолатын педагог-тэрийээччитэ Екатерина Попова наҕараадаланна.
СӨ “Дьулуур” түөскэ кэтиллэр бэлиэнэн Юрий Павлов, Кеша Алексеев аатынан Хаптаҕай орто оскуолатын 11 кылааһын үөрэнээччитэ, наҕараадаланна.
СӨ ыччат дьыалатыгар уонна социальнай коммуникацияҕа миниистирин махтал бэлиэтинэн Иван Платонов аатынан 2-с Наахара орто оскуолатын “Тэтим” оҕо тэрилтэтэ (салайааччы Сахаяна Сидорова) наҕараадаланна.
Министиэристибэ бочуоттаах грамотатын Петр Андросовка, 1 Баатара, Юрий Порядиҥҥа, Тарагай нэһилиэктэрин баһылыктарыгар, Еремей Жирковка, Моорук нэһилиэгин дьокутаатыгар туттардылар.
Татьяна Артемьева, “Чөл олохтоох улуус” уопсастыбыннай түмсүү бэрэссэдээтэлэ, Анна Сергучева, Александра Мохначевская, “Чөл олохтоох улуус” уопсастыбыннай түмсүү чилиэннэрэ, Егор Терентьев, “Догдоҥо нэһилиэгэ” тыа сирин түөлбэтин ыччат дьыалатыгар уонна дьиэ кэргэн бэлиитикэтин исписсиэлииһэ, Владлена Павлова, “Майа сэлиэнньэтэ” тыа сирин түөлбэтин дьиэ кэргэн киинин салайааччыта, Нарыйа Докторова, “Мэҥэ нэһилиэгэ” тыа сирин түөлбэтин ыччат дьыалатыгар уонна дьиэ кэргэн бэлиитикэтин исписсиэлииһэ, Дмитрий Климентов, “Тарагай нэһилиэгэ” тыа сирин түөлбэтин ыччат дьыалатыгар уонна дьиэ кэргэн бэлиитикэтин исписсиэлииһэ, Екатерина Осипова, Дьокуускайдааҕы култуура уонна ускуустуба колледжын 4-с кууруһун устудьуонката министиэристибэ махтал суругун туттулар.
«Тыа хаһаайыстыбатын бастыҥ эдэр исписэлииһэ» анал аат Руслан Лукиҥҥа, эдэр урбаанньыкка, Догдоҥо нэһилиэгин тыатын хаһаайыстыбатын исписиэлииһигэр туттарылынна.
«Быраабы араҥаччылыыр эйгэ бастыҥ эдэр исписэлииһэ» – Айаал Павловка, Ис дьыала министиэристибэтин Мэҥэ Хаҥаластааҕы салаатын участковайыгар, туттарылынна.
«Олох-дьаһах коммунальнай хаһаайыстыба салаатын бастыҥ эдэр исписэлииһэ» — Тен Владиславка, итиинэн уонна уунан хаччыйыы ситимнэригэр өрөмүөн үлэтин, саҥа хочуоллар турууларын, үгүс ыытыллар үлэ ааҕар-суоттуур үлэтин ыытар тутаах исписэлиискэ.
«Улуустааҕы уот ситимин бастыҥ эдэр исписэлииһэ» анал аат — Константин Билюкиҥҥа, Майатааҕы уот ситимин «Якутскэнерго» салгын лииньийэлэрин өрөмүөннүүр электромонтерга.
«Тимир суол эйгэтин бастыҥ эдэр исписэлииһэ» анал аат — Николай Федотов Николаевичка, «Саха сирин тимир суоллара» аахсыйалаах хампаанньа Алданнааҕы тимир суол 3-с разрядтаах суол монтеругар.
«Култуура уонна духуобунай сайдыы эйгэтин бастыҥ эдэр исписэлииһэ» анал аат — Николай Васильевка, Харатааҕы «Айыллаан» култуура киинин режиссеругар.
«Үөрэҕирии эйгэтин бастыҥ эдэр исписэлииһэ» анал аат — Иннокентий Кондаковка, Владимир Ларионов аатынан Майа орто оскуолатын историяҕа уонна обществознаниеҕа учууталыгар.
«Доруобуйа харыстабылын эйгэтин бастыҥ эдэр исписэлииһэ» анал аат — Милена Забровскаяҕа, киин балыыһа терапевт бырааһыгар.
«Сыл бастыҥ настаабынньыга» анал аат — Мария Шаринаҕа, улуустааҕы «Алаас ыала» уопсастыбыннай түмсүү төрүттээччитигэр.
«Оҕо хамсааһынын бастыҥ лиидэрэ» анал аат — Евдокия Соловьеваҕа, Иван Тимофеев аатынан Майа лиссиэйин 11 кылааһын үөрэнээччитигэр.
«Бастыҥ оҕо түмсүүтэ» анал аат — Наахара оскуолатын «Тэтим» оҕо түмсүүтүгэр.
«Сыл бастыҥ волонтера» – «Түмэн» уопсастыбыннай түмсүүгэ (салайааччы Мария Дмитриевна Лукина).
«Ыччат уонна дьиэ кэргэн бэлиитикэтин бастыҥ исписэлииһэ» анал аат — Егор Терентьевка, Догдоҥо нэһилиэгин ыччат уонна дьиэ кэргэн бэлиитикэтин исписэлииһигэр.
«Ыччат бастыҥ уопсастыбыннай түмсүүтэ» анал аат — «Дойду» Мэҥэ Хаҥалас улууһун устудьуоннарын түмсүүтүгэр (салайааччы Федот Сергеев).
«Бастыҥ сырдатааччы» анал аат — Гульнара Аммосоваҕа, «Саха» НКИХ Мэҥэ Хаҥаластааҕы филиалын үлэһитигэр.
«Бастыҥ эдэр ыал» анал аат — Майа Владимировна, Дмитрий Дмитриевич Билюкиннарга, Өлөчөй нэһилиэгэ.
«Бастыҥ уопсастыбыннай түмсүү» анал аат — «Чөл олохтоох улуус» уопсастыбыннай түмсүүгэ (салайааччы Татьяна Артемьева).
«Гражданскай көҕүлээһини сайыннарар бастыҥ нэһилиэк» анал аат — Нөөрүктээйи нэһилиэгэр (баһылык Николай Федоров).
«Ыччат уонна дьиэ кэргэн бэлиитикэтин өйүүр бастыҥ баһылык» анал аат — Алексей Неустроевка, Майа сэлиэнньэтин баһылыгар туттарылынна.
2023 сыл түмүгүнэн улуус бастыҥ ыалларыгар: Ярослав уонна Вячеслав Федорович Окороковтарга, Мэлдьэхси нэһилиэгэ; Галина Николаевна уонна Петр Петрович Зыковтарга; Татьяна Витальевна уонна Михаил Михайлович Игнатьевтарга, Хаптагай нэһилиэгэ; Марина Андреевна уонна Спиридон Егорович Федоровтарга, Ходоро нэһилиэгэ; Василий Архипович Брызгаловка уонна кыыһыгар Розалинаҕа, Нөрүктээйи нэһилиэгэ; Мария Петровна уонна Василий Афанасьевич Атласовтарга, 1 Баатара нэһилиэгэ; Юлия Ивановна, Анжелика уонна Александр Константинович Васильевтарга, Майа сэлиэнньэтэ; Виктория Ионовна, Алексей уонна Никон Иннокентьевич Тимофеевтарга, Аллараа Бэстээх бөһүөлэгэ; Надежда Никифоровна уонна Степан Анатольевич Артемьевтарга, Нөөрүктээйи нэһилиэгэ, эҕэрдэ сурук туттарыллар.
Саха Өрөспүүбүлүкэтин үлэҕэ уонна социальнай сайдыыга министиэристибэтэ, Саха Өрөспүүбүлүкэтин бырабыыталыстыбатын иьинэн гражданскай турук аактатын толорор управлениетын «Саха сирин көмүс дьиэ кэргэттэрин» ахсыс кинигэтигэр киирдилэр: Анна Николаевна уонна Василий Николаевич Романовтар, Майа сэлиэнньэтэ; Полина Григорьевна уонна Роман Петрович Брызгаловтар, Тарагай нэһилиэгэ; Зинаида Анатольевна Менкярова уонна Гаврил Николаевич Егоровтар, Хара нэһилиэгэ.
Сыралаах үлэлэрэ бэлиэтэммит, тустаах уонна уопсастыбаннай үлэҕэ көхтөөх биир дойдулаахтарбытын өссө төгүл эҕэрдэлиибит, үүнэр сылга өссө үрдүк ситиһиилэри, таһаарыылаах үлэни баҕарабыт.
