Бүгүн, балаҕан ыйын 9 күнэ, быыбар 2-с күнэ. Тараттааҕы 265 нүөмэрдээх быыбардыыр учаастак хамыыһыйатын бэрэссэдээтэлинэн Цыпандина Любовь Васильевна, солбуйааччынан Кычкина Мария Иннокентьевна, сэкэрэтээринэн Кычкин Александр Никитич, чилиэннэринэн Бочкарева Екатерина Павловна, Щелканова Мария Николаевна үлэлииллэр.
Өрөспүүбүлүкэтээҕи испииһэгинэн 223, муниципальнай испииһэгинэн 233 быыбардааччы баар. Үлэ бэтэрээнэ Попова Анастасия Николаевна бастакынан куоластаата. Улууспут 100 сааһын ааспыт Ытык кырдьаҕаһа Матрена Егоровна Киренская дьиэтигэр ыҥыран быыбардаата.
Чурапчытааҕы аграрнай-техническэй колледж устудьуона Айаал Стручков Быыбарга бастакытын кыттан гражданскай иэһин дьоһуннук толордо.
19.00 ч. өрөспүүбүлүкэтээҕи испииһэгинэн быыбардыыр учаастакка кэлэн 142, дьиэҕэ ыҥыран 9, муниципальнай испииһэгинэн учаастакка кэлэн 137, дьиэҕэ ыҥыран 9 киһи быыбардыыр быраабын туһанна.
Уопсайа 2 күн түмүгүнэн бу чааска диэри өрөспүүбүлүкэтээҕи испииһэгинэн 151, муниципальнай испииһэгинэн 146 киһи быыбардаата.
Марелла Баишева.
