“Дьол түһүлгэтэ” уопсастыбаннай кииҥҥэ Майатааҕы “Түмэн” уопсастыбаннай холбоһук иһинэн үлэлиир Людмила Пивоварова салайааччылаах “Суорҕан” аахсыйаҕа дьон-сэргэ кыттыыта көхтөөх. Тохсунньу 19 күнүнээҕи түмүгүнэн уопсайа 92 суорҕан, 37 миэтэрэ флис матырыйаал, 87500 солкуобай харчынан киирдэ.
Бэдьимэттэн педагогическай үлэ бэтэрээнэ Устиния Игнатьева 3000, Майаттан Реворий Гермогенов, Мария Сергеева дьиэ кэргэн 3000, Зиновий, Клара Игнатьевтар дьиэ кэргэн 2000, Евгений, Розалия Птицыннар дьиэ кэргэн 3000, Александра Дашеева 1000, “Түмсүү” түөлбэ салайааччыта Валентина Мартынова 4550, “Новострой” түөлбэ салайааччыта Марианна Яковлева 9500, “Исаев” түөлбэ салайааччыта Николай Рожин 2000, улуустааҕы дьахтар настаабынньыктарын сэбиэтин салайааччы Мария Пономарева 5000 солкуобай харчыны туттардылар. ООО “Мейтан” хампаанньа салайааччыта Акулина Алексеева 13700, Михаил Колосов 500, Мария Осипова 1000, Дмитрий Титов 1000, “Бары бииргэ түмсүү” 7800, ТОС “Промкомбинат” салайааччыта Евдокия Шарина 10000, “Сырдык Айыы сыдьаайа” түмсүү 20 м флис таҥас уонна 1500 солкуобай харчы, Анна Осипова. Марфа Заровняева, “Маамыкаан” түөлбэ олохтооҕо Мария Попова 1-дии, Ф.Г.Охлопков оскуолаттан учуутал Анна Васильева, ОДьХХ бэтэрээн үлэһитэ Павел Жирков, уопсастыбанньык Екатерина Баишева 2-лии суорҕан, “Чуораанчык” оҕо уһуйаанын сэбиэдиссэйэ Галина Захарова 6, 3-с көлүөнэ оскуола “Хомус” куруһуогун салайааччыта Татьяна Попова, Екатерина Шариналыын 1, “Иэйии” үҥкүү куруһуогун салайааччыта Розалия Терентьева 3 суорҕаны, “Түһүлгэ” түмсүү салайааччыта Евдокия Семенова 2100, Майа орто оскуолатын 1967 сыллаахха бүтэрбиттэр 24000 солк. харчынан, “Христианство” түмсүү 20 м флис таҥас уонна Аллараа Бэстээхтэн “Алгыс» настаабынньыктар сэбиэттэрин салайааччы Варвара Бурнашева 14 суорҕаны тиксэрдилэр. Яна Иванова, Людмила Барашкова флис таҥаһынан 18 суорҕаны тиктилэр.
Анал байыаннай дьайыыга дойду көмүскэлигэр сылдьар байыастарга анаан биир дойдулаахтарыттан көмө киирэрэ уҕараабат. Аахсыйаҕа көмөнү “Дьол түһүлгэтэ” уопсастыбаннай кииҥҥэ күн аайы өрөбүлэ суох 10.00 чаастан 17.00 чааска диэри туталлар. Аахсыйа тохсунньу 25 күнүгэр диэри салҕанар.
Марелла Баишева.
