Мин түөспэр тэлээрэ көтөр
Уот кыһыл пионер хаалтыһа,
Линейка, сбор түмсүүтүн
Сүрэхпэр иҥэрэ сылдьабын.
Оруобуна 100 сыл анараа өттүгэр, 1924 сыл олунньу 17 күнүгэр, Сахабыт сиригэр пионерскай тэрилтэ төрүттэммит күнүнэн ааҕыллар. Бу күнү оскуолабыт түмэлин салайааччыта Ирина Афанасьевна Маркова уонна «Клуб Ларионовцы» оҕо хамсааһынын оҕолоро уонна 7 «в» кылаас үөрэнээччилэрэ тэрийэн ыыттылар. Оччотооҕу күргүөмнээх кэмнэри санатан оҕолор тохтобулларга пионерскай ырыалары холбоотулар, пионерия устуоруйатын радиорубкаҕа кэпсээтилэр. Кэнчээри ыччакка умнуллубат өйдөбүлү иҥэрэр, пионер диэн кимин сырдатар үөрүүлээх линиэйкэ буолла.
Үөрүүлээх линиэйкэ ыҥырыылаах ыалдьыттарынан Саха Өрөспүүбүлүкэтин үөрэҕириитин туйгуна, оҕо хамсааһынын уонна педагогическай үлэ бэтэрээнэ, 1983-1989 сс пионерскай дружина баһаатайа Агафья Константиновна Шахурдина уонна Саха Өрөспүүбүлүкэтин бочуоттаах бэтэрээнэ, Мэҥэ Хаҥалас улууһун, Майа сэлиэнньэтин бочуоттаах олохтооҕо, «Народное признание» бэлиэ хаһаайына, оскуола бэпэчиитэлэ Людмила Ивановна Заровняева-Стручкова кэлэннэр үөрэнээччилэргэ эҕэрдэ тылларын тиэртилэр, В.П.Ларионов аатынан Майа орто оскуолатыгар пионерия хайдах үлэлээн ааспытын сырдаттылар. Учууталларбыт- урукку пионердар пионерскай хаалтыс, пилотка кэтэн кэлэн, бырааһынньык суолтатын арыйдылар. Пионерскай гимн ыллаатыбыт. Ол кэннэ төгүрүк остуолга оҕолору кытта истиҥ көрсүһүү буолла. Көрсүһүүгэ пионерскай үлэни салайсыбыт баһаатайдар пионердары кытта үлэни сырдаттылар, пионерскай дружиналар, этэрээттэр оҕону бары өттүнэн иитиигэ улахан оруоллаахтарын бэлиэтээтилэр. Маннык биир сомоҕо оҕо пионерскай тэрилтэтэ элбэх киһиэхэ сүҥкэн кылаатын, улахан өйдөбүлү хааллардаҕа.
Оҕо-аймах сүрүн түмүллэр күүһэ буолбут Пионериябыт бэлиэ күнүнэн өссө төгүл истиҥ эҕэрдэ буолуохтун!
#СААС
#школьныеновости
#оскуоламсонуна #МедиашколыКэскил #ДвижениеПервых
#НавигаторыДетства14
