Олунньу 1 күнүгэр, «Манчаары» спортивнай комплекска «Белая ладья» диэн Бүтүн Арассыыйатааҕы турнирга сүүмэрдиир шахмакка күрэхтэһии буолан ааста. Маҥан-хара полосаҕа барыта 9 хамаанда күөн көрүстэ. Хамаанда кыттааччылара (3 уол, 1 кыыс) 2010 с.т. кыра саастаах оҕолор кытыннылар. Биһиги оскуолабыт хамаандатын Захаров Сайаан, Окоемов Мичил, Баишев Дамир 5 «г» кылаас, Сивцева Айта, 4 «б» кылаас үөрэнээччилэрэ көмүскээтилэр. Эдэр шахматистар бэлэмнээхтэрин, сатабылларын, өркөн өйдөрүн көрдөрөн муҥутуур кыайыылаах буолары ситистилэр. Оҕолорбутугар уонна кинилэр тренердэригэр истиҥ эҕэрдэ буоллун!
Светлана Ефимова
