Олунньу 3 күнүгэр Майа сэлиэнньэтигэр улуустааҕы кииннэммит бибилэтиэкэҕэ экспериментатор-саад үүннэрээччи Елена Семенова сэминээрэ буолан ааста. Елена Иннокентьевна соҕуруу үүнэр отонноох маһы, талаҕы биһиги тыйыс айылҕабытыгар сөп түбэһиннэрэн хайдах үүннэрэр туһунан сиһилии кэпсээтэ.
Кини экэнэмиис үөрэхтээх, идэтинэн 40 сыл үлэлээбит. Биэнсийэҕэ тахсан баран бэһис сылын саад үүннэриитинэн утумнаахтык дьарыктанар. Бурятия, Новосибирскай питомниктарын кытта ыкса сибээстээхтик үлэлиир. Билигин Арктикатааҕы судаарыстыбаннай агротехнологическай университекка агроном идэтигэр кэтэхтэн үөрэнэ сылдьар.
Сэминээр бүтэһигэр винограды, биэ эмиийин үүннэрии туһунан кинигэ, облепиха, туя, аспарагус сиэмэтин атыыта буолла. Сэминээри Аллараа Бэстээх, Хорообут, Лоомтука, Майа олохтоохторо кэлэн иһиттилэр, көхтөөхтүк кытыннылар, мунаахсыйар боппуруостарыгар сүбэ-ама ыллылар. Мустубут дьон олус интэриэһинэй, сырдатар, үөрэтэр сэминээр буолан ааста диэн астынан-дуоһуйан, Елена Иннокентьевнаҕа махтанан тарҕастылар.
Клавдия Тихонова,
«Майа алаас ыала» түмсүү.
