Алтынньы 24 күнүгэр В.П.Ларионов аатынан Майа орто оскуолатыгар «Ийэ тыл» түмсүү салайааччыта Евдокия Саввична Решетникова, Майатааҕы саха итэҕэл балаҕанын үлэһитэ Анна Иннокентьевна Климентова ыалдьыттаатылар.Кинилэр 5‒7 кылаас үөрэнээччилэригэр «Сиэр-майгы» тиэмэтигэр дириҥ ис хоһоонноох кэпсэтии оҥордулар. Оҕолорго өбүгэлэри билии тоҕо наадатын, олоххо сиэрдээхтик сылдьыы, харыстабыллаах сыһыан туһунан олус туһалаах бэсиэдэни тэрийдилэр. Кырдьыга да, «Саха сахатынан кэрэ». Инники эрэллэрбит, ыччаттарбыт өбүгэбит сиэрин-туомун, үгэһин ытыктаан кыра оҕо эрдэхтэн саха тыынын иҥэрин.
Светлана Ефимова
