Аммаҕа буола турар Олоҥхо ыһыаҕар төрүт хабылык, төрүт хаамыска күрэхтэһиилэригэр биһиги улууспут спорсменнара үрдүк таһымнаахтык кытыннылар.
11 улуустан 37 кыттааччы илин-кэлин түһүстүлэр. Бу көрүҥ биһиги өбүгэлэрбититтэн кэлбитэ, билигин саҥаттан сайдар таһымҥа тахсан эрэр. Хабылыкка 60 (5 боһомо, 55 ынах) маһынан олбоххо олорон эрэ оонньууллар, онтон хаамыската 8 түһүмэхтээх. Дьэ манна илии имигэһэ, өй сытыыта, түргэн сымса туттуу-хаптыы улахан оруоллаах.
Мэҥэ Хаҥаластан саамай элбэх кыттааччылаах тиийэн күрэхтэһии сытыырҕайда. Бөлөхтөрүнэн ситиһиилэрбит маннык буоллулар: бастакы бөлөххө Майаттан Николай Васильев үһүс, иккис бөлөххө Оксана Рожина иккис, Анатолий Иванов бастакы, үһүс бөлөххө Тиэлигиттэн Антонина Федорова бастакы, Бэдьимэттэн Екатерина Попова үһүс, Гаврил Аргунов бастакы миэстэ буолары ситистибит.
Улууспут чиэһин эрэллээхтик көмүскээбит спортсменнарга, хамаанданы салайан илдьэ сылдьыбыт Федерациябыт толорооччу дириэктэригэр Анатолий Ивановка ситиһиилэри, күүстээх дьарыгы, саҥа чыпчааллары баҕарабыт.
Екатерина Попова.
