2024 сыл Арассыыйаҕа Дьиэ кэргэн, Саха сиригэр оҕо сылынан биллэриллэн турар. Онно даҕатан Мэҥэ-Хаҥалас улууһун Хотун Төҥүлү нэһилиэгэр олорор Мария, Иван Борисовтар бу ыалы өрөспүүбүлүкэҕэ билбэт киһи суоҕун кэриэтэ. Илиҥ эҥээргэ айанныыр хас айанньыт “Уют”, “Нал” диэн итии чэй иһэн тохтоон ааһар манна киһи сөҕүөн курдук биһи өбүгэлэрбит олорон ааспыт остуоруйатын көрдөрөр мусуой, былыргы туттуллубут мал-сал арааһа, урукку эриэккэс маллар киһи хараҕар быраҕыллаллар ону көрөн элбэҕи билэн тахсаҕын. Дьэ урбаанньык Иван Борисов өр сыллаах үлэтин түмүгэ буолар.
Онон Борисовтар биир уол, биэс кыыс оҕону иитэн- такайан барыларын үлэһит дьон оҥортоон, дьиэлээн-уоттаан оҕолоро бары суолларын-иистэрин булан олороллор. Тыа оҕолорун кыра эрдэхтэриттэн үлэттэн толлубат, эт- хаан өттүнэн сайдыылаах буоларга, манна оҕолоро спорт маастарыгар тиийэ үүммүттэрэ, оскуоланы, үрдүк үөрэх кыһатын кыһыл көмүс мэтээлинэн да бүтэрбиттэр бааллар. Ол курдук оҕолорун кыра эрдэхтэриттэн үөрэҕи, үлэни тэҥҥэ тутан иитэн-такайан таһаарбыттара. Билигин оҕолор бары үрдүк үөрэҕи бүтэрэннэр бары сөбүлүүр идэлэрин баһылаан илиигэ баттанар үлэһиттэр буолан сылдьалларыттан ону көрөн биһи астынабыт.
Ону сиһилии суруйуохпун баҕарабын. Биһиги тымныы тыйыс дойдубутугар тыа сиригэр соһуччу уонна инникитин атын да атын улуустарга, нэһилиэктэргэ холобур буолуо дии саныыбын. Хотун Төҥүлү хабыллар хаба ортотугар Борисовтар дьэ кэргэннэригэр икки этээстээх таас дьиэ дьэндэйэн, билиҥҥи бириэмэҕэ бары өттүнэн эппиэттиир үөһээ, аллараа этээстэригэр санузеллаах, гаражтаах киһи хараҕар быраҕыллар гына кылгас бириэмэҕэ тутуллан таҕыста. Дьиэ ис мебелинэн барыта саҥалыы хааччыллан, тас тротуардара барыта плитанан ууруллан оҕолор Ийэлээх, Аҕа кинилэри дьоһун дьон гына иитэн-такайан таһаарбыттарыгар, тыа сиригэр куорат курдук усулуобуйаҕа олороллорун, үлэлэрин кэнниттэн дуоһуйа сынньаналларыгар хааччыйан бэлэх ууннулар. Дьэ бу буолар оҕо махтала төрөппүттэригэр.
Мария, Иван оҕолоро итинник бэлэҕи туттарбыттарыттан сүрдээҕин диэн долгуйан, соһуйан, сүрдээх киэҥ-куоҥ дьиэҕэ киирэн астынан, дуоһуйан оҕолоругар, сиэттэригэр махтаналлар. Билигин кинилэр үлэ үөһүгэр сылдьаллар Хотун Төҥүлүну аһынан, малынан-салынан, айанньыттарга итии аһынан, баанньык, ыраах айанныыр суоппардарга анаан гараж, гостиница, шино мантаж, бу соторутааҕыта пекарня аһан олохтоохтору сибиэһэй килиэбинэн күндүлээн, элбэх үлэ миэстэтин хааччыйан олороллор. Онон Хотун Төҥүлү олохтоохторо Борисовтар дьиэ кэргэннэ махталара муҥура суох.
Бу ыал нэһилиэк, улуус дьаһалтатын кытта ыкса сибээстээхтик үлэлииллэр. Ол курдук сылтан сыл араас идеялары киллэрэн Өрөспүүбүлүкэ таһымнаах тэрээһиннэри ыыталлар ол курдук: “Мас уустара”, “Тимир уустара” нэһилиэккэ, улууска ыытыллар тэрээһиҥҥэ, биирдиилээн спортсменнарга, дьиэ кэргэттэргэ уо.д.а көмөлөһөллөр манна оҕолоро эмиэ туора турбаттар көмөлөрө баһаам.
Дьэ ити курдук тыа сиригэр бары өртүнэн хааччыллыылаах дьиэни тутуохха син эбит диэн Борисовтар дьиэ кэргэттэрин оҕолоро бэйэлэрэ былааннаан, көрөн-истэн, дакаастаан тутан дьэндэтэн таһаардылар. Онон өрөспүүбүлүкэҕэ үтүө холобуру көрдөрдүлэр дии саныыбын.
Мария, Иван Борисовтар оҕолоро төрөппүттэригэр үлэһит дьон оҥорбуттарыгар, суолларын-иистэрин тобулан биэрбиттэригэр, туохтан да толлубакка оҥороллорун, былааннаммыт былааны тиһэҕэр тиэрдэр гына үөрэппиттэригэр, такайбыттарыгар махталлара муҥура суох.
Вера Владимирова
Дьокуускай.
