Төҥүлү нэһилиэгин олохтооҕо Иван Борисов саҥа үүммүт 2024 сылы сэмэйдик үөрэ көрүстэ.
Кини дьоҕус кэтэх хаһаайыстыбатыгар 4 коза, 10 куурусса, 2 көҕөн кустар иитиллэн кыстыгы ортолоон эрэллэр. Мааны диэн козатыттан күннэтэ 1 л курдук үүтү ыан сиэннэригэр күндүлүүр. Нөнүөһэ диэн козата төрүүрэ чугаһаан турар. Итилэри сэргэ, Уолан диэн атыыр, Королева диэн уулаах козалардаах. Кыылларын алаас отунан, уотурба бурдугунан, оҕуруот аһынан, о.д.а. аһатар.
Иван Егорович саас эрдэ сибиинньэ оҕотун, индюк, кус-хаас атыылаһан кыһыҥҥы идэһэтин оҥостор үтүө үгэстээх. Кыылларын көрөрүгэр сиэннэрин көмөлөһүннэрэн үлэҕэ-хамнаска үөрэтэр. 64 саастаах элбэх оҕо тапталлаах аҕата, элбэх сиэн иһирэх эһэтэ маннык дьарыгыттан үөрэр, астынар.
Марелла Баишева.
