Бырабыыталыстыба отчуота Моорук нэһилиэгэр туруорулунна. Мунньаҕы нэһилиэк баһылыга Айисен Игнатьев иилээн-саҕалаан ыытта.
Бочуоттаах сынньалаҥҥа олорор үлэ бэтэрээннэрэ Роберт Егоров, Василий Романов нэһилиэктэрин кыһалҕалаах боппуруостарын ыйыттылар итиэннэ туруорсар этиилэрин оҥордулар. Успуорт саала тутуллуутугар көмө көрүллүүтүн, сыбаайата түһэриллэн баран тутуута тохтотуллан турар балыыһа боппуруоһун сурастылар. Сэлээркэ, бэнсиин сыаната күннэтэ ыарыы турарынан уматык сыанатын хонтуруоллаһар тоҕо кыаллыбатын, скважина тутуллуутун таарыйдылар. Массыына саппаас чааһын, тутуу матырыйаалын миэстэтигэр тоҕо оҥорбоппутун, балбаах сокуонун о.д.а. ыйыттылар. Отчуоттуур бөлөх салайааччыта Михаил Кириллин ыйытыыларга эппиэттэрин олус өйдөнүмтүөтүк тэнитэн кэпсээтэ. Отчуоту 40 киһи иһиттэ.
Елизавета Неустроева.
