Дуобат – саха дьоно уруккуттан сөбүлүүр оонньуута. Кыра оҕоттон саҕалаан кырдьаҕас дьонно тиийэ дуобатынан умсугуйаллар.
От ыйын 12 күнүгэр Афанасий Васильевич Чугунов аатын сүгэр Мэлдьэхси орто оскуолатыгар Мэлдьэхситтэн төрүттээх Колосов Егор Федорович аатын үйэтитэн дуобат күрэхтэһиитэ оҕолорго ыытылынна. Дуобат добун түһүлгэтигэр Дьокускайтан, Хаҥаластан, Чурапчыттан, Амматтан, Мэҥэ-Хаҥаластан 54 спортсмен, ол иһигэр 1 спорт маастара, 10 спорт маастарыгар кандидат оҕолор илин кэлин түһүстүлэр. Күрэхтэһиини судьуйа, эдэр көлүөнэ дуобаччыттары үүннэрэр тренер, дуобакка СССР-с спордун маастара Куприянов Василий Васильевич салайан ыытта.7 тур швейцарскай системанан ыытылынна, бөлөхтөргө кыайыылаахтар мэтээллэринэн, грамоталарынан наҕарадаланнылар. Күрэхтэһии8 бастыҥ миэстэни ылбыттар салҕыы супер-финалга оонньоотулар.100 харахтаах дуобакка супер-финал кыайылаахтара:1 миэстэ Большаков Алексей (Дьокуускай), 2 миэстэ Никанорова Юлия (Дьокуускай), 3 миэстэ Говоров Проня (Мэлдьэхси). 64 харахтах дуобакка супер-финал кыайыылаахтара:1 миэстэ Большаков Алексей (Дьокуускай), 2 миэстэ Алексеева Даяна (Дьокуускай), 3 миэстэ Прокопьева Айыына (Дьокуускай). Маннык күрэхтэһии өссө да инникилээх буолуо диэн эрэнэбин. Бука бары спордунан дьарыктаныҥ!
Вячеслав Никифоров
