Көмүс күһүн кэлбит бэлиэтэ хас биирдии саха ыала кыстыкка бэлэмнэнэн, уһун кыһыҥҥа хаһаанан, аһын-үөлүн бэлэмнэнэр, үүннэрбит оҕуруотун быйаҥын астыыр, мунньунар, хаһаанар кэмэ. Дьон бары үөрэ-көтө оскуола үөрэнээччилэрэ, кэлэктиибэ сылын аайы тэрийэн ыытар ас-үөл дьаарбаҥкатыгар көмүс күһүнү уруйдаан муһуннулар. Манна баар туустаммыт, кэнсиэрбэлэммит, ийэлэр сылаас илиилэринэн буспут, бэлэмнэммит дэлэгэй, баай, минньигэс амтаннаах ас арааһа. Оҕолор остуолларын киэргэтэн, күһүҥҥү дьаарбаҥка тиэмэтинэн хас кылаас аайы көрүөххэ кэрэ гына киэргэтэн, сир аһын атыылаан бардылар. Дьон үөрэ-көтө атыыласта.
Дьаарбаҥка кэмигэр «Үтүө санаа хоппото» аахсыйа тэрилиннэ. Ытыктыыр бэтэрээн учууталларбытыгар ананна.
Үөрэммит, үлэлээбит оскуолалара кинилэри умнубат, куруук саныырын, биhиги ыытар тэрээриннэрбитигэр кэлэн күндү ыалдьыт, үтүө сүбэhит буола турдуннар. Түмүгэр хоппобут туолан, бэтэрээн учууталларбытыгар көмүс күһүн бэлэҕин туттардыбыт.
1 кылаастар алын сүһүөх кылаас учуутала Кычкина Евдокия Афанасьевнаҕа, 2 кылаас ‒ эбии үөрэхтээhин педагога Андросова Ульяна Афанасьевнаҕа, 3 кылаас ‒ алын сүһүөх кылаас учуутала Халдеева Мария Петровнаҕа, 4 кылаас ‒ алын сүһүөх кылаас учуутала Попова Дария Семеновнаҕа, 5 кылаас ‒ алын сүһүөх кылаас учуутала Кычкина Раиса Иннокентьевнаҕа, 6 кылаас ‒ алын сүһүөх кылаас учуутала Кычкина Христина Афанасьевнаҕа, 7, 9 кылаастар химия, география учуутала Захарова Евдокия Николаевнаҕа, 8 кылаас ‒ өр кэмнэргэ оскуола дириэктэринэн үлэлээбит Находкин Иннокентий Иннокентьевичка, 10, 11 кылаастар оскуола завуhунан үлэлээбит, география учуутала Кычкина Ангелина Федотовнаҕа биэрдилэр, эҕэрдэлээтилэр.
Үлэни таптыырга үөрэтэр көмүс күһүн дьаарбаҥката ситиһиилэрдээх түмүктэннэ.
Айталина Бурнашева, Матта орто оскуолатын дириэктэрин иитэр үлэҕэ сүбэһитэ.
