Быйылгы 2022‒2023 үөрэх сылын түмүгүнэн Саха Өрөспүүбүлүкэтигэр Арассыыйа бастыҥ үниверситеттарыгар киирбит элбэх үөрэнээччилэрдээх оскуолалар рейтиннэрэ таҕыста.
Мэҥэ Хаҥалас улууһун И.Г.Тимофеев аатынан Майатааҕы лиссиэйэ бу рейтиҥҥэ 17 позициянан өрөспүүбүлүкэ улуустарыттан соҕотоҕун киирэр чиэстэннэ, онон үөрүүбүт улахан. Дьокуускай, Нерюнгри куорат бастыҥ оскуолалара бу испииһэккэ ааттаннылар. Рейтиҥҥэ бастакынан Өрөспүүбүлүкэтээҕи лиссиэй-интэринээт буолла.
И.Г.Тимофеев аатынан Майатааҕы лиссиэйтн быйыл бүтэрбит үөрэнээччилэр Сеченов аатынан Москва медицинскэй судаарыстыбаннай университет, Благовещенскай судаарыстыбаннай педагогическай университет, Санкт-Петербурдааҕы гражданскай авиация университетын Красноярскайдааҕы филиалын, Томскайдааҕы политехническай униаерситет, Амурскай судаарыстыбаннай медицинскэй Академия, Хабаровскайдааҕы экэниэмикэ, быраап судаарыстыбаннай университетын устудьуоннара буоллулар. Үөрэнээччилэри, кэлэктииби үөрүүлээх түгэнинэн эҕэрдэлиибит. Талан ылбыт идэлэрин толору баһылыылларыгар баҕарабыт. Төрөөбүт улууспут сайдыытыгар туһалаах үлэһит буолалларыгар алгыыбыт.
Мидена Петрова.
