Атырдьах ыйын 24 күнүгэр Майа сэлиэнньэтигэр «Майаттан – Москуба куоракка» 8334 килэмиэтирдээх марафон саҕаланна.
Тэрээһин сүрүн сыала-соруга: дьону чөл олоххо уонна успуортка көҕүлээһин. Сарсыарда 7 чааска «Манчаары» стадионугар Майа сэлиэнньэтин олохтоохторо хааман, сүүрэн марафон бастакы килэмиэтирдэрин бардылар. Марафон кыттааччылара төһөнү хаампыттарын, сүүрбүттэрин суруйалларыгар стадион иһигэр баннер турар.
Балаҕан ыйын 7 күнүгэр диэри бары көмөлөөн 8334 килэмиэтири барар соруктаахтар.
Олохтоохтору чөл олоҕу көҕүлүүр тэрээһиҥҥэ кэлэн актыыбынайдык кытталларыгар Майа олохтоох дьаһалтата ыҥырар.
Иван Лукин
