Сэтинньи – идэһэ кэмэ. Миитэрэйэп күнүттэн – сэтинньи 8 күнүттэн ыал кыстык устата сиир идэһэтин бэлэмнээбитинэн барар. Идэһэ кэмэ бэйэтэ туспа үөрүүлээх, сүүрүүлээх-көтүүлээх түгэн.
Сэтинньи 26 күнүгэр, үтүө үгэскэ кубулуйбут Хара нэһилиэгин Аркадий Ефремович Лукин сылгы тутар Уодай базатыгар уолаттары убаһа араарыытыгар уһуйуу буолан ааста. Биһиги оскуолабыттан 9, 10 кылаас уолаттара сырыттылар.
Өбүгэттэн кэлбит үтүө сатабылларга уолаттары улууспут баһылыга Дмитрий Иванович Тихонов, улуустааҕы үөрэҕирии салалтатын начальнига Гаврил Николаевич Толстяков, сылгы базатын хаһаайына Аркадий Ефремович Лукин уонна оскуолалар дириэктэрдэрэ, үлэһиттэрэ уһуйдулар.
Оҕолор үөрэ-көтө салгыҥҥа үлэлээн, убаһа астаан, хапсаҕайдаан, ат миинэн, саҥаны билэн-көрөн астыннылар. Бары илии тутуурдаах, өттүк харалаах тарҕастылар.
Майа үөрэнээччилэрэ Уодайга сылгы базатыгар сырыттылар
