Улууска биллэриллибит Тыа хаһаайыстыбатын сылларын чэрчитинэн от ыйын 13 күнүгэр улуус дьаһалтатын, тыа хаһаайыстыбатын, тутуу, социальнай бэлиитикэ, муниципальнай баайы-дуолу салайар кэмитиэт салалталарын исписэлиистэрэ «Чүүйэ» МУТ сиилэскэ анаан эбиэс үүннэрэр бааһынатыгар тахсан күрүө тутуутугар көхтөөх субуотунньугу ыытыллар.
Сарсыарда эрдэттэн 80 га иэннээх «Бырыы» бааһынатын эргийэн, түөрт бөлөҕүнэн арахсан, сууллубут, эмэхсийбит күрүөлэри уларыттылар, сөргүттүлэр. Үчүгэй, салгыннаах күн туран биэрдэ. Элбэх буолан түһүнэн эр дьон үлэни өр гыммата. Үлэ күөстүү оргуйда. Норуот күүһэ — көмүөл күүһэ. Күрүө- хаһаа саҥалыы дьэргэйдэ. Бу курдук улууспут баһылыга Дмитрий Тихонов биллэрбит Тыа хаһаайыстыбатын сылларынан кэккэ хаһаайыстыбаларга куратор быһыытынан анаммыт тэрилтэлэр уопсай хамсааһыҥҥа бары биир киһи курдук кыттыһаргытыгар ыҥырабыт.
Мэҥэ Хаҥалас улууһун дьаһалтатын пресс-сулууспата