Быйылгы улууспут ыһыаҕа Ураһалаах мааны алааһыгар Арассыыйаҕа Дьиэ кэргэн, Саха Өрөспүүбүлүкэтигэр Оҕо саас, улууспутугар Тыа хаһаайыстыбатын, үөрэхтээһин төрүттэммитэ 150, Уустаах Избеков 115, Валерий Ноев 85 үбүлүөйдээх сылларыгар аналлаах «Бигэ туруктаах дьиэ кэргэн – дойдубут бөҕө тирэҕэ» диэн уйгу-быйаҥ түһүлгэ олохтонно.
«САХА САЙДАМ ЫАЛА – 2024» улуустааҕы дьиэ кэргэттэр күөн күрэһигэр улууспут бастыҥ, үлэни өрө туппут дьоһун-мааны дьиэ кэргэттэрэ Нөөрүктээйиттэн Евдокия, Владимир Черкашиннар, Аллараа Бэстээхтэн Кристина, Константин Герасимовтар, Хара нэһилиэгиттэн Анна, Иван Петровтар, 1-кы Баатараттан Саргылана, Николай Андреевтар,
Майаттан Валентина, Рустам Кривошапкиннар
кыттыыны ыллылар.
Күөн күрэс барыта 5 түһүмэҕинэн ыытылынна:
🌿 Бэйэни билиһиннэрии;
🌿Ынах ыаһын;
🌿Алаадьы астааһын;
🌿Сахалыы сандалы;
🌿Талба талааны көрдөрүү.
Бу күөн күрэс биир саамай чаҕылхай кыттааччыларынан Валентина Федоровна, Рустам Митрофанович оҕолоро Алина, Рустам, Эльмира Кривошапкиннар дьиэ кэргэттэрэ буоллулар. Валентина Федоровна биһиги В.П.Ларионов аатынан Майа орто оскуолатын эбии үөрэхтээһин фольклорга уһуйааччыта, Рустам уонна Эльмира оскуолабыт үөрэнээччилэрэ буолаллар. Кинилэр сүрдээх бэлэмнээхтик кыттан муҥутуур кыайыылаах үрдүк аатын ылыахтарын ыллылар👏👏👏
Муҥутуур кыайыылаахха — тыһаҕас бириис туттардылар💥💥💥
👨👩👧👦Ыал ийэтэ Валентина Федоровна: » Күрэххэ кыттарбар оскуолам администрациятыгар, профсоюзка улахан махталбын тиэрдэбин😘😘😘Профсоюһум бэрэссэдээтэлигэр Елена Леонидовна Белолюбскаяҕа, күүс-көмө буолбут коллегаларбар Ирина Васильевна Никанороваҕа, Марфа Еримеевна Новгородоваҕа, Ульяна Максимовна Ефремоваҕа улахан махталбын тиэрдэбин👏🏻👏🏻👏🏻 Кинилэр биһиэхэ олус көмөлөстүлэр🙌🏻🙌🏻🙌🏻»,- диэн истиҥ махтал тылларын тириэрдэр.
👨👩👧👦Кривошапкиннар дьиэ кэргэн барыга бары талааннаах, өрүү култуура эстэпиэтэтигэр кыттар инники күөҥҥэ сылдьар ыалларбыт. Бу соторутааҕы буолбут улуус Олоҥхо ыһыаҕар дьиэ кэргэнинэн 30 мүнүүтэ устата «Кыыс Ньургун» олоҥхону толорон бастакы үрдэл кыайыылаахтара буолбуттара👏👍🏻 Аны билигин өрөспүүбүлүкэтээҕи Олоҥхо ыһыаҕар дьиэ кэргэнинэн хомуска уонна олоҥхоҕо кытта бараары бэлэмнэнэллэр.
Светлана Ефимова
