Кэскилээнэ Петрова, Ф.Г.Охлопков аатынан Майа орто оскуолатын дириэктэри иитэр үлэҕэ сүбэһитэ:
‒ Үүнэр 2024 сылы Ил Дархан Айсен Сергеевич Николаев Оҕо саас сылынан биллэрдэ. Бу үөрүүлээх сонуну үөрэҕэрии эйгэтин үлэһитэ быһыытынан олус суолталаах дии саныыбын.
Үөрэҕирии эйгэтин үлэһитэ буоламмын Дойдуга Дьиэ кэргэн уонна биһиги өрөспүүбүлүкэбитигэр Оҕо саас сыла биллэриллибитин олус үөрэ иһиттим. Дьиэ кэргэни уонна оҕону кытары үлэ биир ситимнээхтик барыахтаах дии саныыбын. Төрөппүттэр икки ардыларыгар өйдөһүү, таптал, бэйэ-бэйэҕэ, тулалыыр эйгэҕэ ытыктабыл баар буоллаҕына оҕолорбут мааны майгылаах үтүө киһи буолуохтара.
Оҕолорбутугар ‒ инники кэскилбитигэр, утум салҕааччыларбытыгар болҕомто ууруллара олус үчүгэй. Сыл устата оҕо сайдыытыгар, иитиигэ аналлаах элбэх араас тэрээһиннэр ыытыллыахтара.