«Ийэ тыл уонна сурук-бичик» күнүн көрсө олунньу 12 күнүгэр төрүт тылга, Улуу Кыайыы 80, Ийэ дойдуну көмүскээччилэр сылларыгар анаан Майатааҕы «Кэнчээри» уһуйаан уонна уһуйаан иһинэн үлэлиир «КУБИК» телестудия бөлөхтөр икки ардыларыгар оҕолор иитээччилэрин кытта кыттыылаах хоһоон күрэһин тэрийэн ыытта.
Күрэс дьүүллүүр сүбэтигэр уһуйааммыт бэтэрээн педагога, Майа сэлиэнньэтин Бочуоттаах олохтооҕо -Татьяна Попова, М.И.Брызгалова аатынан Майатааҕы оҕо бибилэтиэкэтин сэбиэдиссэйэ Ольга Дьяконова, Хорообут нэһилиэгин бибилэтиэкэрэ, «Айар Майа» литературнай түмсүү чилиэнэ Варвара Филиппова үлэлэстилэр.
Оҕолор төрөөбүт төрүт тылларын кистэлэҥ күүһүгэр сүгүрүйэ, ытыктыы ийэ тылларынан ыраастык сахалыы хоһооннору биирдиилээн, бөлөҕүнэн ааҕан чуопчаардылар.
Түмүккэ » *Сахам тыла барахсан* » тиэмэҕэ: «Куобахчаан» кыра бөлөхтөн Тарас Неустроев — III үктэл, София Плотникова — II үктэл (иитээччилэр — Л.А.Павлова, А.А.Захарова), «Тииҥчээн» улахан бөлөхтөн — Кычкина Айтана — I үктэл, бөлөҕүнэн ааҕыыга «Тииҥчээн» улахан бөлөх — II үрдэл (иитээччилэр — А.Г.Лыткина, А.Б.Брызгалова), «Кустукчаан» орто бөлөх — I үрдэл (иитээччилэр — А.Ю.Ильина, С.К. Яковлева), «Току-току ньээм-ньээм» улахан бөлөх — «КЫЛААН КЫАЙЫЫЛААХ» анал ааты ыллылар (иитээччилэр — М.Р.Романова, Д.Н.Шестакова)👏👏👏
*Өйдүүбүт, саныыбыт, сүгүрүйэбит* тиэмэҕэ: бөлөҕүнэн ааҕыыга «Сулусчаан» бэлэмнэнии бөлөх — I үктэл (иитээччилэр — О.Т.Ощепкова, Т.И.Слободчикова), «Туллуктар» улахан бөлөх — II үктэл (иитээччилэр — Ф.М.Дьяконова), Егомин Арсений «Туллуктар» бөлөхтөн иитээччилэрин кытта ааҕан — III үрдэл, «Сир симэхтэрэ» бэлэмнэнии бөлөх — II үрдэл (иитээччилэр — Э.П.Алексеева, О.Д.Оконешникова), «Дьэрэкээн оҕолор» бэлэмнэнии бөлөх — «КЫЛААН КЫАЙЫЫЛААХ» үрдүк ааты сүктүлэр (иитээччилэр — С.А.Аввакумова, Л.Б.Иванова)👏👏👏 Бары кыттыбыт бөлөхтөр уһуйаан «чээнин» туттулар, оонньуур атыылаҺарга мунньуу харчылара хаҥаата✊.
Бу күн ийэ тылбыт биҺигэ айарга-тутарга өссө киэҥ суолу арыйда, хомоҕой хоһоон тыллара ыраахха диэри иһилиннэ.
Иитээччи Сардаана Аввакумова
