Ахсынньы 27 күнүгэр улуустааҕы үөрэтэр-оҥорон таһаарар эбии үөрэхтээһин кииҥҥэ, Суолга сэрэхтээх буолуу судаарыстыбаннай инспекция Мэҥэ Хаҥаластааҕы отдел начаалынньыга, полиция капитана Владислав Петрович Дьячковскай уонна инспектор Тихонов Виктор Васильевич кэлэн массыынаны ыытарга үөрэтии ирдэбиллэригэр эппиэттиир үлэ хаамыытын кэлэн билистилэр.
Саҥа анаммыт начальник А, В категорияҕа суоппардары бэлэмниир бырагараамманы, үөрэнэр кабинет тэриллэринэн хааччыллыытын, тырааныспар сириэстибэлэрин көрдө-иһиттэ. Киин администрациятын, учууталларын уонна практическай үөрэх маастардарын кытта ирэ-хоро кэпсэттэ, сүбэлэри биэрдэ.
Инникитин ситимнээхтик үлэлииргэ, үлэ былааныгар суолга сэрэхтээх буолууга тэрээһиннэри тэрийиигэ, үөрэнээччилэргэ таһымнаах билиини биэрэргэ, санаалары үллэһиннибит, соруктары туруордубут.
Директоры үөрэх чааһыгар солбуйааччы Мария Борисова
