Бүгүн, балаҕан ыйын 8 күнүгэр Мэҥэ Хаҥалас улууһугар саамай элбэх – 2200-тэн тахса быыбардааччылаах 255-с нүөмэрдээх Монастырева Марианна Дмитриевна бэрэссэдээтэллээх Хотугу Майатааҕы быыбардыыр учаастак үлэтин Арассыыйа, Саха өрөспүүбүлүкэтин өрөгөй ырыаларынан саҕалаата. Быыбарга кыттыы көхтөөхтүк саҕаланан бастакы быыбардааччылар 8 чаас инниттэн кэлбиттэрэ.
Майа сэлиэнньэтин олохтоохторо, уопсастыбанньыктара Марфа Васильевна, Федот Васильевич Алексеевтар, Полина Ивановна Осипова биир бастакынан куоластаатылар.
Норуот дьокутааттарын ааттарыттан Аэлита Николаевна Гоголева, уопсастыбаннас өттүттэн Дархан Семенович Петухов, бэрээдэги араҥаччылааччынан учаастактааҕы полиция сотруднига Дмитрий Юристанович Слепцов кэтээн көрөөччүнэн үлэлии олороллор.
Марелла Баишева.
