Бүгүн, ахсынньы 11 күнүгэр, Хорообут нэһилиэгэр доруобуйаларынан хааччахтаах дьоммутугар дэкээдэни түмүктүүр тэрээһин ыытылынна.
Баһылык Гаврил Бродников эҕэрдэлээтэ, үбүлүөйдээх дьоммутугар сыһыарыллыбыт тэрилтэлэр Эҕэрдэ суруктарын, сэмэй бэлэхтэрин туттардылар.
Өйү-санааны тургутарга аналлаах биктэриинэни бибилэтиэкэр Варвара Филиппова ыытта. Күрэхтэһиилэри Светлана Птицына, Василий Прибылых, Анна Скрябина, сүүйүүлээх оонньууну Татьяна Тролукова ыытта. Күрэхтэһиигэ кыттыбыттар үгүстэр миэстэлэстилэр, мэтээлинэн, грамотанан бэлиэтэннилэр. Көхтөөхтүк оонньообуттар сэмэй бириискэ тиксэн үөрэн-көтөн тарҕастылар. Эҕэрдэ нүөмэрдэри «Ситии» үҥкүү ансаамбыла бэлэхтээтэ. Олохтоох дьаһалта көмүс хатырыктааҕынан күндүлээтэ.
