Олунньу 8 күнүгэр Хорообут орто оскуолатыгар «Ахтан-санаан аһыаҕыҥ» көрсүһүү Иван Иванович Брызгалов төрөөбүтэ 95 сылыгар ананна.
Көрсүһүүгэ биир дойдулаахпыт Иван Иванович уола Александр Иванович кэргэнинээн Наталья Александровналыын ыалдьыттаатылар.
Нэһилиэк баһылыга Гаврил Бродников эҕэрдэлээтэ. Иван Иванович Брызгалов ийэтин-аҕатын туһунан нэһилиэк кыраайы үөрэтээччитэ Светлана Ильина, бииргэ төрөөбүттэрин Агафий Иванов сырдаттылар. Иван Иванович хоһоонугар Петр Тастыгин мелодиятыгар ырыа буолбут «Доҕордоһуу вальса» ырыаны бииргэ төрөөбүттэриттэн Любовь Тастыгина билиһиннэрдэ. Көрсүһүүгэ бэтэрээн учууталларбыт, нэһилиэк уопсастыбаннаһа кытыннылар.
Көрсүһүү иккис чааһыгар быйыл буолаары турар тэрээһиннэри дириэктэри солбуйааччы Октябрина Васильева билиһиннэрдэ. Дмитрий Таас үбүлүөйдээх сыла, сайыҥҥы экспедиция И.И.Брызгаловка ананарын кэпсээтэ.
Тэрээһини нэһилиэк олохтоох уонна оскуола бибилэтиэкэрдэрэ Варвара Филиппова, Елена Птицына, Күннэй Борисова иилээн-саҕалаан ыыттылар.
Варвара Филиппова.
