Олунньу 14 күнүгэр Холгума нэһилиэгэр бырабыыталыстыба отчуотун Саха Өрөспүүбүлүкэтин гражданскай оборонаҕа, нэһилиэнньэ олоҕор-дьаһаҕар куттал суох буолуутун хааччыйыыга миниистирин солбуйааччы Никита Павлов салайааччылаах үһүс бөлөх туруорда.
Бырамаҕа отчуоттуур бөлөх нэһилиэнньэни кытта көрсүһүүтүн баһылык Гаврил Ефимов салайан ыытта. М.К.Попова — Эдьиий Марыына аатынан култуура дьиэтигэр 39 олохтоох отчуокка кэлэн бөлөх салайааччыта Никита Павлов толоруулаах былаас ааспыт сыллааҕы үлэтин сүрүн тосхоллорун ырытар дакылаатын иһиттилэр.
Кинилэр сүрүннээн нэһилиэккэ хаһан хочуолунай тутулларын, нэһилиэктэр икки ардыларынааҕы суолу оҥорууну, балбаах туһунан итиэннэ бэйдиэ сылдьар ыттары бэрээдэктээһин туһунан сокуоннар ирдэбиллэрин уонна хайдах үлэлииллэрин, нэһилиэк уонна сайылык суолларыгар суол бэлиэлэрин туруорарга туох ньыма баарын ыйыталастылар.
Бырама олохтоохторо бэйэлэрин этиилэригэр нэһилиэккэ хочуолунай наадатын, биэлсэр-акушер пуунугар биэлсэр уонна эмп атыылыыр пууну туруорсалларын туһунан эттилэр.
Иван ЛУКИН.
