Айар кут
Күһүммүт сиппитин
Уруһуйдаан ылан,
Хартыына оҥорон
Сэгэрбэр бэлэхтиэм, ‒ диэн хоһоонугар холбообут СӨ норуот уус-уран оҥоһуктарын маастара, Арассыыйа Худуоһунньуктарын норуоттар икки прдыларынааҕы федерациятын чилиэнэ, сэһэнньиттэр уонна хоһоон айааччылар эригийиэннээҕи сойуустарын чилиэнэ Вера Санникова‒Мичийээнэ. Олоххо көхтөөх сыһыаннаах биир дойдулаахпыт, ырыа буолбут хоһооннор ааптардара Вера Афанасьевна өбүгэ таҥаһын сөргүтэн тигэр, кылтан, сиэлтэн сиэдэрэй оҥоһуктары өрөр уран тарбахтаах маастар. Оттон бу көрөр хартыыналаргытын, көмүс күһүн кэрэ көстүүлэрин күндү таастар (чароит, гранат, яшма, хромдиопсид, янтарь, цеолит, хайа курустаала, о.д.а.) кыырпахтарыттан киэргэтэн оҥорбута. Киһи эрэ сөҕөр-махтайар көстүүлэрэ, харах хайгыыр хартыыналара ‒ эриэккэс дьүһүйүүлэр!
