Алтынньы 26 күнүгэр В.П.Ларионов аатынан Майа орто оскуолатыгар улуустааҕы «Умники и Умницы» интеллектуальнай куонкурус 12-с сылын ыытыллынна.
Быйылгы күрэхтэһиигэ Мэҥэ Хаҥалас оскуолаларыттан уопсайа 156 алын кылаас үөрэнээччилэрэ кэлэннэр күрэхтэстилэр.
Куонкурус 4 хайысханан: бастакы кылаастарга «Барыны бары билии», иккис кылаастарга «Бастыҥ билии», үһүс кылаастарга «Эдэр урбаанньыт», төрдүс кылаастарга «Ааҕар чаас» ыытыллан, оҕолор тобуллаҕас толкуйдарын, өркөн өйдөрүн көрдөрөр сорудахтары толордулар, бырайыак оҥорон көмүскээтилэр.
Куонкурус кыайыылаахтарыгар В.П.Ларионов аатынан Майа орто оскуолатын география учуутала Валентина Жиркова лазернай станокка оҥорбут анал мэтээллэрин туттардылар.
