Мин эһэм Иван Васильевич Скрябин 1962 с. бэс ыйын 14 күнүгэр Хорообут бөһүөлэгэр төрөөбүтэ. 1979 сыллаахха оскуоланы бүтэрэн, төрөөбүт бөһүөлэгэр сопхуоска үлэлээбитэ. 1987 сылтан тырахтарыыстыыр. Хас сайын аайы звеноҕа окко, кыһынын от-мас тиэйиитигэр сылдьар.
Филиппов Николай Николаевич звенотугар 1988 сыллаахха окко үлэлээн, «Юпитер» матасыыкыл пуондатынан, грамотанан, 1992 сыллаахха миэбэл пуондатынан, ОПХ грамоталарынан, 1993 сыллаахха спальнай мешогунан наҕараадаламмыта. 1997 сыллаахха улууска үһүс миэстэ буолан «Аляска» кофеварканы ылбыта.
Эһэм тырахтарыыстаабыта 35-с сыла. Иван Васильевич нэһилиэк Бочуоттаах гражданина. 2 оҕо аҕата, 6 сиэн эһэтэ. Мин эһэбэр куруук көмөлөһөбүн, тырааныспар ыытарга үөрэтэр. Үлэһит эһэбинэн киэн туттабын.
Суруйда сиэнэ Прибылых Ваня, 11 кылаас.
Эһэлэригэр кылааһынан тимуровскай үлэҕэ кытыннылар. Салайааччы Егорова М.К.
