Алтынньы 20 күнүгэр Майаҕа «Кыталык» уопсастыбаннай кииҥҥэ инбэлииттэр улуустааҕы уопсастыбалара аҕам саастаахтар ортолоругар дуобат, хабылык уонна хаамыска көрүҥнэригэр күрэхтэһиини тэрийэн ыытта.
Остуол оонньууларыгар Майаттан, Лоомтукаттан, Хорообутттан уонна Бөкөттөн кэлэн күрэхтэстилэр.
Дуобакка дьахталларга бастыкы миэстэни Ольга Захарова ылла, иккис Татьяна Афанасьева, үһүс Светлана Пинигина буоллулар.
Хабылык уонна хаамыска күрэхтэһиитигэр Любовь Саввина бастаата, Светлана Пинигина иккис, Татьяна Афанасьева үһүс миэстэҕэ тигистилэр.
Эр дьон ортотугар дуобакка Дмитрий Сыромятников, Михаил Петров, Егор Яковлев туһааннааҕынан бириистээх миэстэлэри үллэһиннилэр.
Василий Романов хабылыкка бастаата, иккис миэстэни Дмитрий Сыромятников ылла.
Иван Лукин.
