277 нүөмэрдээх Тумуллааҕы быыбардыыр учаастакка Анна Свинобоева бэрэссэдээтэллээх, Акулина Власова солбуйааччылаах, Иннокентий Слепцов сэкирэтээрдээх, Аида Демьянова, Василий Слепцов чилиэннэрдээх хамыыһыйа үлэлээтэ.
Быыбар маҥнайгы күнүгэр бастакы быыбардааччынан Михаил Толстяков ытык иэһин төлөөбүтэ. Оҕо сааһыттан доруобуйатыгар хааччахтаах Айыына Куличкина быйыл учаастакка кэлэн бастакытын куоластаата. Раиса Даниловна Десяткина итиэннэ 92 саастаах нэһилиэк ытык кырдьаҕаһа Елена Иннокентьевна Борисова дойду сайдыытыгар туһуланар быыбарга сылын аайы дьиэлэригэр олорон куоластыыллар.
Балаҕан ыйын 10 күнүгэр өрөспүүбүлүкэтээҕи испииһэгинэн 543, муниципальнай испииһэгинэн 562 быыбардааччы баарыттан учаастакка кэлэн 252, дьиэҕэ ыҥыран 27 киһи быыбардаата.
Марелла Баишева.
