Техникум спортсаалатыгар Төҥүлүгэ дартс төрүттэммит күнүгэр аналлаах хамаанданан күрэх ыытылынна. 4 киһилээх хамаандалар оонньоотулар. Уопсайа эр дьоҥҥо 7 хамаанда, дьахталларга 3 хамаанда кииристэ.
Дьахталлар эргимтэ ситиминэн оонньоотулар. Бүтэһик оонньууга Майа-1 – Төҥүлү киирсии 8:9 ахсаанынан түмүктэннэ.
Эр дьоҥҥо 2 бөлөҕүнэн оонньоотубут. Биир бөлөххө 4, иккискэ 3 хамаанда күрэхтэстэ. Ол кэннэ үстүү хамаанда утарыта кииристилэр, хотторбут туораата. Финал аҥаарыгар Майа-2 – Төҥүлү 2 утарылаһыыта 9:8 ахсаанынан түмүктэннэ. Кыайыылаах үс хамаанда эргимтэнэн оонньоон, ким ханнык мэтээли ыларын быһаарыстылар.
Түмүккэ Төҥүлү-1 кыайыылааҕынан таҕыста, Майа-1 хамаандатыгар 2:5 ахсаанынан хотторон иһэн 9:5 кыайдылар. Үһүс Майа-2 буолла.
Финал аҥаарыгар Майа-2 – Төҥүлү-2 хамаандалара 8:8 ахсааҥҥа тэҥнэһэннэр, хамаанда хапытааннара биир талбыт киһилэрин киллэрэн оонньоттулар. Онно майалар баһыйдылар, онон 8:9 хотторуу хомолтотун биллибит.
Оонньуу таһыма син үрдээн эрэрэ үөрдэр. Дьахталларга 580, эр дьоҥҥо 820 очукуону ылыталаатылар, хас да оонньууга 600-н тахсалыыга тиийэ сырыттылар.
Бүтэһигэр 20 секторга муҥутуур кыайыылааҕы быһаарар оонньууга 14 киһи суруйтарда. Чөмпүйүөнүнэн Анатолий Иванов (Майа) буолла, иккискэ Валентин Васильев (Доллу) таҕыста.
Василий Эверстов,
Төҥүлү.
