Тохсунньу 30 күнүгэр улуус баһылыгын Дмитрий Тихонов 2023 сыллаах үлэтин отчуота Дьабыыл нэһилиэгэр буолла.
Мунньаҕы нэһилиэк баһылыга Дмитрий Петров иилээн-саҕалаан ыытта. Нэһилиэк 47 олохтооҕо отчуоту истэн, ааспыт сыл үлэтин үрдүктүк сыаналаатылар уонна этиилэрин эттилэр уонна ыйытыылары биэрдилэр.
Сүрүннээн учууталлар тиийбэттэрин, көтөр пиэрмэтин куһаҕан сытын туоратарга, нэһилиэк эдэр дьоно аҕыйыырын, нэһилиэккэ гаастан ититии ситимэ киллэриллэрин уонна электроуоту өрөмүөннүүр үлэ наадатын туһунан санааларын эттилэр. Кыһыҥҥы өртүгэр оптуобус күүтэр сылаас дьиэ, иһэр уу скважината тутулларын, оҕо уһуйаана уонна култуура киинэ сылыйарыгар өрөмүөн ыытыллара наадатын туруорустулар.
Иван Лукин.
