Бүгүн, олунньу 27 күнүгэр, Дьокуускай куорат «Дохсун» успуорт уораҕайыгар 3-4 кылаас үөрэнээччилэригэр «Көрдөөх эстэпиэтэ» күрэхтэһии Бүтүн Арассыыйатааҕы «Орлята России» хамсааһын «Орленок-спортсмен» трегынан ыытылынна. Сүрүн тэрийээччилэринэн: «Навигаторы детства» РРЦ, ФГБУ «Росдетцентр» буоллулар. Манна барыта өрөспүүбүлүкэ 13 бастыҥ хамаандата кыттыыны ылла. Биһиги оскуолабытын 3 «а» кылаас спортсмен оҕолоро көмүскээтилэр. Кылаас салайааччыта Елена Николаевна Ильина, физкултуура учуутала Григорий Николаевич Герасимов. Күрэхтэһиигэ бастаан хамаанданы билиһиннэрии (визитка) сыаналанна, ол кэннэ тыҥааһыннаах түһүмэхтэр саҕаланнылар: «Көрдөөх пирамида» («Веселая пирамида»), «Доҕордуулар» («Веселые друзья»), «Дьиэ тутуу» («Построй дом»), «Улахан кедалар» («Кеды-великаны»), «Булкаас («Комбинированная»).
Күрэхтэһии түмүгүнэн, оҕолорбут «Бастыҥ визитка» анал аат уонна 4 миэстэ буолары ситистилэр.
Оҕолорбутугар уонна Елена Николаевнаҕа истиҥ эҕэрдэ буоллун!
Инникитин даҕаны бииртэн биир кыайыылар, ситиһиилэр кэлэ турдуннар!