280 №-дээх Бүтэйдээх нэһилиэгин быыбардыыр учаастагар хамыыһыйа бэрэссэдээтэлинэн Чямпина Валентина Дмитриевна үлэлиир. Балаҕан ыйын 8 күнүгэр хамыыһыйа чилиэнэ Аринкина Мария Иннокентьевна 25 сааһын туолла. Киниэхэ бу эппиэттээх күн ураты үөрүүлээхтик саҕаланна. Нэһилиэккэ өрөспүүбүлүкэтээҕи испииһэгинэн 554, муниципальнай испииһэгинэн 585 быыбардааччы бэлиэтэммит. Баартыйалартан уонна уопсастыбаннастан барыта 9 кэтээн көрөөччү уочаратынан кэлэн олороллор. Быыбар хаамыытын полиция сотруднига Яков Гаврильевич Борисов хонтуруоллуур. Нэһилиэк баһылыга Айаан Ньургунович Чичахов дьонун көҕүлээн бастакынан куоластаабыт.
14 ч.15 мүн. өрөспүүбүлүкэтээҕи испииһэгинэн 90, о.э. быыбардааччы уопсай ахсааныттан 16,25%, муниципальнай испииһэгинэн 85, о.э. 14,53% киһи гражданскай быраабын туһанна. Бу күн барыта 143 киһи быыбардаата.
Быыбар иккис күнэ тэтимин ыһыктыбакка бара турар. Бу күн биир бастакынан нэһилиэккэ баһылыгынан үлэлээбит Алексей Николаевич Игнатьев куоластаата. Дьиэтигэр ыҥыран 87 саастаах ытык кырдьаҕас Августа Петровна Окорокова быыбардыыр эбээһинэһин толордо.
14 ч. 00 мүн. өрөспүүбүлүкэтээҕи испииһэгинэн 210, муниципальнай испииһэгинэн 200 киһи быыбардаабытын туһунан миэхэ бэрэссэдээтэл Валентина Чямпина иһитиннэрдэ.
Марелла Баишева.
