И.М.Сосин аатынан улуустааҕы киин бибилэтиэкэҕэ «Олоҥхо киэҥ киэлитигэр” диэн ааттаммыт кэммиэрчэскэй брейн-ринг оонньуу ыытылынна.
Оонньууну Феликс Спартакович Титов салайан ыытта. Быйылгы оонньууга барыта 10 хамаанда кыттыыны ылла: Ф.Г.Охлопков уонна В.П.Ларионов аатынан Майа орто оскуолаларын учууталларын, Ростелеком, полиция, РЭС үлэһиттэрэ, «Сыроватскай» түөлбэ олохтоохторо, “Манчаары”, “Сборная солянка”, “Кыталыына”, “НХЗ” хамаандалар күөн көрүстүлэр, норуот эпоһын билиилэрин тургутан көрдүлэр. Хас биирдии ыйытыкка 1-дии мүнүүтэ бэрилиннэ.
Түмүккэ Ф.Г.Охлопков аатынан Майа орто оскуолатын учууталлара өркөн өйдөөхтөрүн көрдөрөн, кыайыылааҕынан ааттаннылар. Хамаанда чилиэннэрэ харчынан бириис туттулар, дипломунан наҕараадаланнылар.
