Тохсунньу 26 күнүгэр Догдоҥо нэһилиэгэр улуус баһылыга Дмитрий Тихонов 2023 сыллаах үлэтин отчуотугар нэһилиэн 42 олохтооҕо кытынна.
Мунньаҕы нэһилиэк баһылыга Петр Сивцев салайда. Олохтоохтор сүрүннээн некоммерческэй тэрилтэргэ туох көмө баарын, нэһилиэктэр икки ардыларыгар суоллар саас уонна күһүн өрөмүөннүүр үлэ наадатын, гаас ситимин кытта тымныы-итии уу тэҥҥэ холбонор ханнык ньыма баарын, тыа хаһаайыстыбатыгар үүт туттарыыттан саҕалаан тыраахтар ыларга ханнык ньыма уонна көмө баарын, нэһилиэк саҥа култуура дьиэтэ салгыы тутуу үлэтин, тулаайахтар дьиэлэрэ Аллараа Бэстээххэ хаһан тутулларын киирэрин, тулаайахтарга уонна инбэлииттэргэ ханнык чэпчэтии баарын туоһуластылар. Култуура уонна успуорт эстэпиэтэтин хаамыытын, нэһилиэк водовоз массыынатыгар саҥа мотуор наадатын, көҥүл сылдьар ытырыык ыттарга ханнык ньыма, өрүһү туоруур «подушкалар» төлөбүрүн ким хонтуруолугар баарын, эдэр уонна кэлэр көлүөнэ туһугар Тураахтаах күөлү чөлүгэр түһэрии, нэһилиэктэр икки ардыларыгар оптуобус сырыыта наадатын эттилэр, кыһалҕаларын сырдаттылар.
Иван Лукин.
